पुणे : पुण्यामधून एक धक्कादायक प्रकार समोर आला आहे. पुण्यातील स्वारगेट परिसरात एका भोंदूबाबानं चक्क अंगात देवी शक्ती असल्याचं भासवून एका विवाहित महिलेवर लैंगिक अत्याचार केल्याची धक्कादायक घटना समोर आली आहे.
आरोपीनं केवळ अत्याचारच केला नाही, तर पीडित महिलेकडून तब्बल ५० लाख रुपये देखील उकळले आहेत. याप्रकरणी स्वारगेट पोलीस ठाण्यात गुन्हा दाखल करण्यात आला असून आरोपी औदुंबर मनोहर गडदे याचा शोध सुरु आहे.
मिळालेल्या माहितीनुसार, पीडित महिला ही कौटुंबिक वादामुळे पतीपासून वेगळी राहत होती. तिच्या याच मानसिक परिस्थितीचा आणि असहायतेचा फायदा आरोपी औदुंबर गडदे यानं घेतला.
आपण 'देवऋषी' असून आपल्या अंगात दैवी शक्ती असल्याचं त्यानं महिलेला पटवून दिलं. एवढेच नव्हे तर आरोपीनं पीडितेवर विश्वास संपादन केल्यानंतर तिला स्वारगेट परिसरातील एका लॉजवर बोलावलं आणि तिथे तिच्यावर लैंगिक अत्याचार करण्यात आला. त्यानंतर या आरोपीनं तिला रायगड जिल्ह्यातील माणगाव येथे नेलं आणि तिथेही तिच्यावर अत्याचार केल्याचं तक्रारीत नमूद करण्यात आलं आहे.
मुख्यमंत्री फडणवीस यांचे आदेश; सुनेत्रा पवार यांच्या पत्राची दखल, प्रभाग समित्यांच्या सत्तासंतुलनावरून पुणे पालिकेला विचारणा मुंबई : पुणे ...
आरोपीनं अत्याचारासोबतच पीडितेला ५० लाखांचा गंडा देखील घातला. आपल्यासोबत फसवणूक आणि अत्याचार झाल्याचं लक्षात येताच महिलेनं धाडस करून पोलिसांत धाव घेतली. या प्रकरणी स्वारगेट पोलिसांनी आरोपी औदुंबर मनोहर गडदे विरोधात विविध कलमान्वये गुन्हा दाखल केला आहे. सध्या हा आरोपी फरार असून त्याचा शोध सुरु आहे.