मुंबई : रेल्वे देखभाल दुरुस्तीच्या कामांसाठी अनेकदा रविवारी मेगाब्लॉक घेते. पण आज (रविवार १२ एप्रिल २०२६) सकाळीच पश्चिम रेल्वेची विरार मार्गावरील वाहतूक विस्कळीत झाली आहे. ओव्हरहेड वायर तुटल्यामुळे पश्चिम रेल्वेची विरार मार्गावरील वाहतूक विस्कळीत झाली आहे.
पश्चिम रेल्वे प्रशासनाने दिलेल्या माहितीनुसार भाईंदर आणि नायगाव या ठाणे जिल्ह्यातील दोन रेल्वे स्थानकांदरम्यान ओव्हरहेड वायर तुटली आहे. यामुळे पश्चिम रेल्वेची विरार मार्गावरील वाहतूक विस्कळीत झाली आहे. घटनेची माहिती मिळताच तंत्रज्ञ तातडीने घटनास्थळी रवाना झाल्याचे वृत्त आहे.
भाईंदर आणि नायगाव दरम्यान ओव्हरहेड वायर तुटल्यामुळे पश्चिम रेल्वेची विरार मार्गावरील वाहतूक विस्कळीत झाली आहे. तसेच बोरीवली - वलसाड मेमू क्रमांक ६९१३९ ही गाडी रद्द करण्यात आली आहे. यामुळे प्रवाशांचे हाल होत आहेत. रेल्वे प्रशासनाने पश्चिम रेल्वेच्या अधिकृत सोशल मीडिया प्लॅटफॉर्मवरून दिल्या जाणाऱ्या माहितीवर लक्ष ठेवा अथवा रेल्वे नियंत्रण कक्षाच्या संपर्कात राहा आणि प्रवासाचे नियोजन करा, असे आवाहन प्रवाशांना केले आहे.