- प्रशासनाने दिली कबुली, म्हणाले देखभालीचे कंत्राट संपले
मुंबई (विशेष प्रतिनिधी)
मुंबईतील विविध भागांमध्ये सध्या डासांचा उपद्रव वाढत चालला असून या वाढत्या उपद्रवाला प्रतिबंध करण्यासाठी महापालिकेच्यावतीने धूर फवारणी तसेच औषध फवारणीचे प्रयोग केले जातात. मात्र, मुंबईतील अनेक भागांमध्ये याप्रकारच्या धूर फवारणीची मशिन्सच बंद पडत असल्यामुळे मोठ्याप्रमाणात धुम्र फवारणी केली नाही. परिणामी मुंबईतील डास प्रतिबंधक उपायोजना प्रभावी राबवली जात नसून यामुळे मोठ्याप्रमाणात नागरिकांना डासांचा प्रादुर्भाव वाढत असल्याचे समोर आले आहे.
मुंबई महापालिकच्या एस विभागातील किटक नियंत्रण अधिकारी खात्यांतर्गत अळीनाशक फवारणी, धुम्रफवारणी, मक्षिका नियंत्रण, मुषक नियंत्रण इत्यादी प्रकारचे कामे करण्यासाठी संस्थेला मान्यता देण्याचा प्रस्ताव स्थायी समितीच्या बैठकीत आला असता, शिवसेनेचे अमेय घोले यांनी एका प्रभागासाठी दोन धुम्र फवारणी मशिन देण्याची मागणी केली. सध्या एकच मशिन असल्यामुळे सर्वच परिसरात धुम्र फवारणी करता येत नाही असे सांगितले. झोपडपट्टी भागांमध्ये मुषकांचा उपद्रव अधिक असून त्या डासांचाही प्रार्दुभाव अधिक आहे. परंतु यातील काही मशिन्स या आग निघत असल्यामुळे त्या बंद आहेत. तर प्रिती सातम यांनी यापूर्वी न्यायालयाने किंवा अन्य प्राधिकरणाने धूर फवारणी करण्यास काही प्रतिबंध करण्याचे निर्देश प्रशासनाला दिले होते का आणि त्यामुुळे धूर फवारणीचे प्रमाण कमी केले का असा सवाल केला. तर सभागृहनेतेे गणेश खणकर यांनी पूर्वी धूर फवारणीबरोबरच बादलीमध्ये औषध घेवून खाकी वर्दीतील कामगार यायचे. पण ते आता मुंबईतून गायब झाले आहेत. त्यामुळे यातील बऱ्याचशा मशिन्स या बंद असून हे धडगे खांद्यावर घेवून ते फिरत आहेत. त्यामुळे याचे देखभाल करण्याचे कंत्राट बंद झाले का असा सवाल महापालिका कधीतरी मुंबईकरांचा विचार करणार आहे की नाही. यावर श्रध्दा जाधव, डॉ सईदा खान, जमीर कुरेशी, अश्रफ आझमी आणि अजंता यादव यांनी विभागातील डासांच्या प्रादुर्भाव आणि धुम्र फवारणीची समस्या मांडण्याचा प्रयत्न केला. यावेळी प्रशासनाच्यावतीने अतिरिक्त आयुक्त डॉ विपीन शर्मा यांनी या धुर फवारणीच्या मशीन्सची खरेदी सन २००८ साली करण्यात आली होती. त्यामुळे याला १८ वर्षे झाली आहेत.त्यामुळे २२७ मशिन्सच्या वार्षिक देखभालीकरता असलेले कंत्राट सपुष्टात आले असून यासाठीची निविदा प्रक्रिया सुरु आहे. त्यामुळे एप्रिलच्या शेवटच्या आठवड्यापर्यंत या मशिन्सचा वापर पूर्ण क्षमतेने होईल,असे स्पष्ट केले.