अभिनेता रणवीर सिंहच्या धुरंधरचा पहिला भाग १५ डिसेंबर २०२५ रोजी रिलीज झाला होता. यामध्ये रणवीर सिंहसोबत अनेक टेलिव्हिजन अभिनेते झळकले होते. यापैकीच एक अभिनेता म्हणजे गौरव गेरा हे पाकिस्तानातील ज्यूस सेंटरच्या मालकाच्या भूमिकेत झळकले आहेत. मात्र, अभिनेता गौरव गेरा यांनी धुरंधर सिनेमात झळकण्याआधी टेलिव्हिजनवर 'जस्सी जैसी कोई नही' आणि 'चुटकी शॉपकीपर' यांसारख्या प्रसिद्ध मालिकांमध्ये भूमिका साकारल्या आहेत. पण, यानंतर त्यांनी धुरंधरमध्ये साकारलेल्या 'मोहम्मद आलम' या भूमिकेत त्यांच्या चाहत्यांनी त्यांना चक्क ओळखलं नसल्याचा खुलासा गौरव गेरा यांनी एका मुलाखतीत बोलताना केला आहे.
तसेच यावेळी गौरव गेरा यांनी सांगितलं की अभिनेता रणवीर सिंहसोबत त्यांनी १० वर्षांपूर्वी एक रील बनवली होती. जेव्हा ते चुटकी शॉपकिपर शो करत असताना त्यावेळी रणवीर सिंह बाजीराव मस्तानी सिनेमाला प्रमोट करण्यासाठी आले होते. त्यावेळी, त्यांनी एकत्र रील बनवली असून त्यांनी तेव्हा ही रील पोस्टही केली होती.
तसेच, यावेळी अभिनेता गौरव गेरा यांनी सांगितलं की धुरंधर सिनेमात अभिनेता रणवीर सिंहसोबत काम करताना त्यांना फार मज्जा आली आणि धुरंधरच्या सेटवर रणवीर आणि त्यांच्यासोबत फार छान वागत असून त्यांना रणवीरचा स्वभाव अंत्यत आवडला असल्याचं गौरव गेरा यांनी सांगितलं आहे.