गिरगावच्या शोभायात्रेत स्वॅग दाखवणं व्हायरल गर्लला पडलं महागात; पोलिसांसह नागरिकही संतापले
मुंबईतील गिरगावसह अनेक ठिकाणी गुढीपाडव्याच्या दिवशी शोभायात्रा निघतात. तसेच, मुंबईतील गिरगावची शोभायात्रा ही प्रसिद्ध असून ही शोभायात्रा पाहण्यासाठी फार लांबून नागरिक गिरगाव येथे येत असतात.
गिरगावची शोभायात्रा म्हणजे मुंबईची शान आहे. मात्र, यंदा या मिरवणुकीत कावासाकी निन्जा H2 सारख्या हायपर स्पोर्ट्स बाईकचा त्रासदायक आवाज घुमला. या बाइकला रेस करत असताना गौरी या तरुणीला महिला पोलिसांनी बजावलं आणि तिथे वाद झाला. प्रसिद्ध इन्फ्लुएन्सर गौरी मोरे आपल्या महागड्या बाईकला गर्दीत रेस' देत असतानाच एका महिला पोलीसाने तिला कडक शब्दांत बजावलं.
बाइक रेस करताना पाहून पोलिसांचा संताप :
मिरवणुकीसाठी गिरगावमध्ये मोठ्या संख्येने लोकांची गर्दी उसळलेली असते. अशा संवेदनशील ठिकाणी गौरी मोरे आपल्या स्पोर्ट्स बाईकचा एक्सलेटर जोरात फिरवून सायलेन्सरचा मोठा आवाज काढत होती. त्यामुळे हा गोंधळ पाहून तिथे तैनात असलेल्या महिला पोलीस अधिकारी धावत आल्या. त्यांनी थेट गाडीसमोर उभं राहून, अशा प्रकारे बाईक रेस करणं लोकांच्या जिवावर बेतू शकतं, असं सांगत त्यांनी गौरीला आणि तिथल्या तरुणांना चांगलच बजावलं.
तसेच, या महागड्या बाईकला 'नंबर प्लेट' नसल्याचा मुद्दाही पोलिसांनी यावेळी उपस्थित केला. पोलिसांनी आक्रमक पवित्रा घेताच तिथल्या काही स्थानिक नागरिकांनीही संताप व्यक्त करत त्यांची चावी काढून घेण्याची मागणी केली.
परिस्थिती हाताबाहेर जात असल्याचं पाहून पोलिसांनी गर्दी मागे हटवली आणि संबंधित बाईकस्वारांना तिथून बाजूला व्हायला भाग पाडलं असून हा
या शोभायात्रेत रिल्स बनवण्यासाठी आणि प्रसिद्धी मिळवण्यासाठी अनेकजण अतरंगी कृत्य करताना दिसतात. मात्र, गिरगावसारख्या गर्दीच्या ठिकाणी असं वागणं गौरी मोरेला चांगलंच महागात पडलं आहे. हे प्रकरण सध्या सोशल मिडियावर व्हायरल होत असून काहीजण आता गौरीची बाजू घेताना पाहायला मिळत आहे. तर काहीजणांनी पोलिसांच्या कारवाईचं समर्थन केलं आहे.