टेलिव्हिजन विश्वातील लोकप्रिय अभिनेत्री दिव्यांका त्रिपाठीनं नुकताच आपल्या फॅन्सना गुड न्यूज दिली आहे. नवरात्रीच्या शुभ मुहूर्तावर, अभिनेत्री दिव्यांका त्रिपाठीनं आपल्या चाहत्यांसोबत ही आनंदाची बातमी शेअर केली आहे. अभिनेत्री दिव्यांका त्रिपाठीच्या लग्नाला 10 वर्ष झाली असून वयाच्या 41 व्या वर्षी दिव्यांका आई होणार आहे.
नुकताच आपल्या इन्सटाग्रामवर काही फोटो शेअर करत दिव्यांकानं ही आनंदाची बातमी चाहत्यांसोबत शेअर केली आहे. या फोटोजमध्ये दिव्याकानं तिच्या नवऱ्यासोबत आपला बेबी बंप फ्लॉन्ट केला आहे. तसेच, या फोटोजमध्ये दिव्यांका आणि तिचा पती अभिनेता विवेक दहिया या दोघांनी पांढऱ्या रंगाचे कपडे परिधान केले असून या कपल्सनं एकमेकांसोबत Twinning केल्याचं पाहायला मिळत आहे.
अभिनेत्री दिव्यांका त्रिपाठीनं सोशल मिडियावर ही बातमी शेअर केल्यानंतर तिचे फोटो जोरदार व्हायरल होत असून चाहत्यांकडून या कपल्सवर कौतुकाचा वर्षाव होत असल्याचे पाहायला मिळत आहे.