- तीन महिन्यानंतर भारतीनं दाखवला दुसऱ्या मुलाचा चेहरा
प्रसिद्ध कॉमेडी क्विन भारती सिंह हिने नुकताच तिच्या दुसऱ्या बाळाला जन्म दिला असून भारतीचा दुसरा मुलगा काजू अर्थात यशवीरचा चेहरा पाहण्यासाठी चाहते प्रचंड उत्सुक होते. मात्र, आता भारतीच्या फॅन्सची प्रतीक्षा संपली असून अखेर भारतीने आपला दुसरा मुलगा काजूचा चेहरा चाहत्यांना दाखवला आहे.
भारती सिंह आणि हर्ष या कपल्सनं एक फॅमिली युट्यूब चॅनेल सुरू केलं असून या चॅनलच्या माध्यमातून भारती आणि हर्ष आपल्या कुटुंबाशी संबंधित व्हिडीओ पोस्ट करत असतात. यावरच त्यांनी आपल्या दुसऱ्या मुलाचा चेहरा चाहत्यांना दाखवला आहे.
भारतीला २०२२ मध्ये पहिला मुलगा झाला. त्याचं नाव 'लक्ष' असं आहे. त्यानंतर १९ डिसेंबर २०२५ रोजी भारतीचा दुसरा मुलगा काजू अर्थात यशवीरचा जन्म झाला. भारती आणि हर्षच्या दुसऱ्या मुलाचा चेहऱ्या पाहिल्यानंतर चाहते प्रंचड खुश झाल्याचे पाहायला मिळत आहे. भारती आणि हर्ष यांनी काजूचा चेहरा दाखवल्यानंतर तो कोणासारखा दिसतो याची चर्चा चाहत्यांमध्ये जोरदार रंगली असून सोशल मिडियावर भारतीच्या दुसऱ्या मुलाचे फोटो चांगलेच व्हायरल होत आहेत.