मूळचे कोल्हापूरचे असलेले विरधवल खाडे यांनी महसूल विभागात तहसीलदार म्हणून कार्यरत असताना वैयक्तिक कारणास्तव राजीनामा दिला होता, जो ३० सप्टेंबर २०२४ रोजी स्वीकारण्यात आला होता. मात्र, प्रशासकीय सेवेत पुन्हा कार्यरत होण्याची इच्छा व्यक्त करत त्यांनी अर्जाद्वारे विनंती केली होती. त्यांच्या क्रीडा क्षेत्रातील कामगिरीची दखल घेऊन सरकारने त्यांना पुन्हा सेवेत सामावून घेण्याचा सकारात्मक निर्णय घेतला आहे. खाडे यांना तहसीलदार पदावर पुनश्च रुजू करण्यात आले असून, पुढील पदस्थापनेचे आदेश मिळेपर्यंत त्यांनी विभागीय आयुक्त कार्यालय, कोकण येथे उपस्थित राहून कामकाज पाहण्याचे निर्देश दिले आहेत.