मुंबई : बिग बॉस मराठी ६ मध्ये सातव्या आठवड्यात ड्रामा, आरोप-प्रत्यारोप आणि भावनिक उद्रेक यांचा जोर वाढला आहे. घरातील स्पर्धकांमधील समीकरणे बदलत असताना आयुषच्या नावावरून पुन्हा एकदा वातावरण तापले आहे.
अभिनेता आयुष संजीव आणि तन्वी यांच्यात घरात चांगली मैत्री होती. मात्र इतर सदस्यांनी त्यांच्या नात्याबद्दल वेगवेगळे अंदाज लावण्यास सुरुवात केली. अलीकडील भागात राखी सावंत हिने मुद्दाम आयुषचा विषय काढत तन्वीला चिमटा काढला. यानंतर तन्वीने तीव्र प्रतिक्रिया दिली आणि घरात मोठा गोंधळ झाला.
या सर्व प्रकारावर ‘भाऊच्या वर रितेश देशमुख यांनी तन्वीला थेट प्रश्न विचारले. छोट्या गोष्टीला अनावश्यकपणे मोठं रूप देत असल्याची टिप्पणी करत त्यांनी तिच्या वागण्यावर नाराजी व्यक्त केली. आवाज चढवून प्रतिक्रिया देण्याबाबत त्यांनी स्पष्ट शब्दांत सुनावले.
दरम्यान, या भागाचा प्रोमो सोशल मीडियावर झळकताच प्रेक्षकांकडून विविध प्रतिक्रिया उमटल्या. काहींनी तन्वी अतिप्रतिक्रिया देत असल्याचं म्हटलं, तर काहींनी तिच्या भूमिकेवर प्रश्नचिन्ह उपस्थित केले. आयुष घरात असताना आणि त्यानंतर तिच्या वागण्यात फरक जाणवल्याची चर्चा देखील नेटकर्यांमध्ये रंगली.
आता पुढील भागात या वादाची दिशा काय असेल आणि घरातील समीकरणे कशी बदलतील, याकडे चाहत्यांचे लक्ष लागले आहे.