मुंबई : माहिमजवळ रेल्वे मार्गावर धक्कादायक घटना घडली. एका व्यक्तीने धावत्या लोकलमधून उडी मारली. लोकलमधून उडी मारणारी व्यक्ती शेजारच्या मार्गावरून वेगाने जात असलेल्या ट्रेन खाली आली. या अपघातात लोकलमधून उडी मारणाऱ्याचा मृत्यू झाला. या प्रकरणी शवविच्छेदन अहवाल प्राप्त झाल्यानंतर पोलीस नियमानुसार पुढील कारवाई करणार असल्याचे समजते.
लोकलमधून उडी मारणाऱ्या प्रवाशाचा मृत्यू झाला आहे. मृतदेह शवविच्छेदनासाठी पाठवला असल्याची माहिती रेल्वे प्रशासनाने दिली. मृत व्यक्तीची ओळख पटविण्याचे प्रयत्न पोलीस करत आहेत. प्रवाशाने लोकलमधून उडी मारण्याचे कारण अद्याप समजलेले नाही.
मुंबई उपनगरीय रेल्वेवर दररोज सरासरी सहा जण अपघात किंवा आत्महत्येमुळे आपला जीव गमावत आहेत. जीआरपीच्या आकडेवारीनुसार २०२५ मध्ये मुंबई उपनगरीय रेल्वेवर २२८७ प्रवाशांनी अपघात किंवा आत्महत्येमुळे आपला जीव गमावला आहे.