उपायुक्त आणि सहायक आयुक्तांच्या बदल्या आणि बढती

मुंबई (विशेष प्रतिनिधी) : मुंबई महापालिकेतील सहायक आयुक्त विनायक विसपुते यांना उपायुक्त पदी बढती देण्यात आल्यानंतर त्यांच्याकडील जी उत्तर विभागाचे सहायक आयुक्तपद कायम ठेवून मध्यवर्ती खरेदी खाते विभागाच्या उपायुक्तपदाचा अतिरिक्त कार्यभार सोपवण्यात आला आहे. विसपुते यांच्याकडील सहायक आयुक्त अतिक्रमण निर्मुलन विभागचा अतिरिक्त कार्यभाराचा पदभार कायम ठेवण्यात आला आहे.

विसपुते यांच्यावर उपायुक्त (मखखा) पदाचा अतिरिक्त कार्यभार सोपवतानाच या पदाचा कार्यभार सांभाळणाऱ्या संध्या नांदेडकर यांच्यावर परिमंडळ ७चे उपायुक्त पद कायम करण्यात आले आहे. त्यामुळे त्यांच्या खांद्यावरील मध्यवर्ती खरेदी खात्याच्या पदभाराची जबाबदारी हलकी करून परिमंडळ सातची जबाबदारी सोपवण्यात आली आहे. तसेच रुग्णालयांच्या सहायक आयुक्त पदाचा भार सांभाळणाऱ्या महेश पाटील यांच्यावर आता नव्याने स्थापन झालेल्या के उत्तर विभागाची जबाबदारी सोपवण्यात आली आहे.

उपायुक्त आणि सहायक आयुक्तांवर आता नवी जबाबदारी

1. संध्या नांदेडकर : उपायुक्त परिमंडळ ७


2. विनायक विसपुते : सहायक आयुक्त जी उत्तर विभाग(अतिरिक्त कार्यभा उपायुक्त मध्यवर्ती खरेदी खाते)


3. महेश पाटील : सहायक आयुक्त के उत्तर विभाग (नवनिर्मित विभाग)