kajol : बॉलिवूडची सुप्रसिद्ध अभिनेत्री काजोल ही प्रेक्षकांच्या मनावर आजही तेवढंच राज्य करते जेवढं ती आधी करत होती. तिने अनेक चित्रपटांमध्ये दमदार भूमिका साकारत ९० च्या दशकातील काळ हा गाजवला आहे. परंतु आज काजोल मोठ्या पडद्यावर दिसत नसली तरीही कायम कोणत्या न कोणत्या कारणांमुळे चर्चेत असते. अशातच तिच्या एका वक्तव्यामुळे ती चर्चेत आली आहे.
काजोलने सोशल मीडियावर एक पोस्ट केली आहे. त्या पोस्टमध्ये तिने स्वतःबद्दल एक खास गोष्ट शेअर केली आहे. स्वतःचे काही फोटो पोस्ट करत काजोल म्हणाली, 'मी मरण्यापूर्वी करण्याच्या १०० गोष्टी वाचून पूर्ण केल्या... पण मदतीसाठी हाक मारणे... हे त्यामध्ये कधीच नव्हतं... याचं मला आश्चर्य वाटतं... असं देखील कॅप्शनमध्ये म्हणाली आहे.