मुंबई: बहुप्रतीक्षित 'मिर्झापूर: द फिल्म'चे अखेरचे शूटिंग शेड्यूल पूर्ण झाले असून, भारतातील सर्वात लोकप्रिय क्राइम फ्रँचायझींपैकी एका प्रवासातील हा एक महत्त्वाचा टप्पा मानला जात आहे. कल्ट-फेव्हरेट वेब सिरीजवर आधारित ही फिल्म 2026 मध्ये मोठ्या पडद्यावर प्रदर्शित होणार आहे. यामध्ये मिर्झापूरच्या धोकादायक जगाला आणखी भव्य स्वरूपात दाखवण्यात येणार आहे.
शूटिंग पूर्ण होताच, गुड्डू पंडित अर्थात गुड्डू भैय्या ही आयकॉनिक भूमिका साकारणारे अभिनेता अली फजल भावूक झाले. त्यांनी सेटवरील काही पडद्यामागील क्षण शेअर करत इंस्टाग्रामवर एक भावनिक पोस्ट केली. या दीर्घ आणि तीव्र प्रवासाबद्दल लिहिताना त्यांनी म्हटले, "हा प्रवास खूप लांबचा आहे. थोडं प्रेम आणि थोडी नफरत यांच्यातला हा एक प्रवास आहे. 'मिर्झापूर: द फिल्म'चं अंतिम शेड्यूल पूर्ण झालं आहे."
अली फजल यांनी संपूर्ण कास्ट आणि क्रूचे त्यांच्या मेहनत आणि समर्पणाबद्दल आभार मानले. त्यांनी या चित्रपटाला एक मास्टरपीस असे संबोधले. ते पुढे म्हणाले, "या सगळ्या प्रवासात जेव्हा कॅमेरा आमच्यावर होता, तेव्हा आम्ही आमचं सर्वोत्तम दिलं. मला अभिमानाने सांगावं वाटतं की संपूर्ण मिर्झापूर टीम आणि कलाकारांनी आम्ही जे उत्तम करतो तेच प्रामाणिकपणे केलं."
मुंबई: बहुप्रतीक्षित 'मिर्झापूर: द फिल्म'चे अखेरचे शूटिंग शेड्यूल पूर्ण झाले असून, भारतातील सर्वात लोकप्रिय क्राइम फ्रँचायझींपैकी एका प्रवासातील हा ...
दमदार पात्रं आणि रॉ स्टोरीटेलिंगमुळे मिर्झापूरने गेल्या काही वर्षांत मोठी फॅन फॉलोइंग तयार केली आहे. आता ही कथा मोठ्या पडद्यावर येत असल्याने प्रेक्षकांच्या अपेक्षा आणखी वाढल्या आहेत. ओरमॅक्स सिनेमॅटिक्सच्या सर्वाधिक प्रतिक्षित हिंदी चित्रपटांच्या यादीत 'मिर्झापूर: द फिल्म'ने आपलं स्थान मिळवलं आहे. विशेषतः आयकॉनिक पात्र मुन्ना भैय्याच्या पुनरागमनासाठी चाहते मोठ्या उत्सुकतेने वाट पाहत आहेत.
पुनीत कृष्णा यांनी निर्मित केलेला आणि गुरमीत सिंग दिग्दर्शित 'मिर्झापूर: द फिल्म' 2026 मध्ये प्रदर्शित होणार आहे. चित्रपटात कालीन भैय्या (पंकज त्रिपाठी), गुड्डू पंडित (अली फजल), मुन्ना त्रिपाठी (दिव्येंदु) यांच्यासह अभिषेक बॅनर्जीदेखील महत्त्वाच्या भूमिकेत दिसणार आहेत. थिएटरमध्ये प्रदर्शित झाल्यानंतर आठ आठवड्यांनी हा चित्रपट भारतासह 240 हून अधिक देश आणि प्रदेशांमध्ये प्राइम मेंबर्ससाठी स्ट्रीमिंगवर उपलब्ध होणार आहे.