महाराष्ट्राचे उपमुख्यमंत्री अजित पवार यांच्या अपघाती निधनामुळे संपूर्ण महाराष्ट्र हादरला आहे. उपमुख्यमंत्री अजित पवार यांच्या विमानाला आज बुधवार २८ जानेवारी रोजी बारामती येथे मोठा अपघात झाला. या अपघातात अजित पवार यांचा मृत्यू झाला असून अजून पाच जणांचा मृत्यू झाला आहे. या अपघाती निधनावर मनोरंजन विश्वातिल अनेक मान्यवरांनी आपल्या प्रतिक्रिया दिल्या आहेत.
१) हेमंत ढोमे
माझे अत्यंत लाडके नेते, महाराष्ट्राचे लोकनेते आणि लोकप्रिय उपमुख्यमंत्री व अर्थमंत्री, अजितदादा यांच्या विमान अपघातामुळे झालेल्या निधनाचे वृत्त अत्यंत धक्कादायक आहे. हे महाराष्ट्राचे कधीही भरून न येणारे नुकसान आहे. महाराष्ट्राच्या प्रशासनावर घट्ट पकड असलेला ॲडमिनीस्ट्रेटर गेला! लोकांचं काम करणारा माणूस गेला…अलविदा दादा! भावपूर्ण श्रद्धांजली…
२) रितेश देशमुख
एका दुःखद अपघातात आपण अजितदादा यांना गमावल्याचे ऐकून खूप धक्का बसला आणि खूप दुःख झाले. त्यांनी त्यांच्या सभोवतालच्या लोकांना सतत उत्कृष्ट कामगिरी करण्यासाठी प्रेरित केले. त्यांनी कधीही शब्दांची उधळपट्टी केली नाही, त्यांची बुद्धिमत्ता अतुलनीय होती. संपूर्ण राज्याने त्यांच्यावर खूप प्रेम केले. त्यांच्या अकाली निधनामुळे कधीही भरून न येणारी पोकळी निर्माण झाली आहे.
३) अजय देवगण
उपमुख्यमंत्री अजित पवार यांच्या दुःखद निधनाने धक्का बसला आणि दुःख झाले. त्यांच्या कुटुंबियांना, प्रियजनांना माझ्या मनःपूर्वक संवेदना."
४) अनुपम खेर
उपमुख्यमंत्री अजित पवार यांच्या दुःखद निधनाने धक्का बसला. अजित पवार खूप दयाळू होते. मी जेव्हा - जेव्हा त्यांना भेटलो तेव्हा त्यांच्या दयाळू स्वभावाची जाणीव झाली. त्यांच्या कुटुंबियांना माझ्या संवेदना. ओम शांती!'
५) कंगना राणौत
ही खूप भयानक बातमी आहे... या घटनेचे वर्णन करण्यासाठी माझ्याकडे शब्द नाहीत...
६) रवी किशन
महाराष्ट्राच्या राजकारणासाठी आणि देशासाठी यापेक्षा मोठे नुकसान असू शकत नाही. मी त्यांना वैयक्तिकरित्या ओळखत होतो. ते 'बारामतीचा राजा' अशी त्यांची ओळख होती.
७) स्मृति इराणी
महाराष्ट्राचे उपमुख्यमंत्री अजित पवार यांचे विमान अपघातात अकाली निधन झाल्याने मला धक्का बसला आहे आणि दु:ख देखील झाले आहे. त्यांनी केलेली जनतेची सेवा आणि त्यांची राजकीय कारकीर्द वर्षानुवर्षे आदराने लक्षात ठेवला जाईल. या दुःखाच्या वेळी माझी प्रार्थना शोकाकुल कुटुंबांसोबत आहेत. ओम शांती.