मुंबई : मुंबईतील माटुंगा रेल्वे वर्कशॉप येथे आज म्हणजेच मंगळवार ७ एप्रिल रोजी दुपारी उभ्या असलेल्या ट्रेनच्या डब्यांना अचानक आग लागल्याने परिसरात मोठी खळबळ उडाली. या घटनेमुळे परिसरात काही काळ भीतीचे वातावरण निर्माण झाले होते. सुदैवाने या आगीत कोणतीही जीवितहानी झालेली नसल्याची प्राथमिक माहिती समोर आली आहे. अग्निशमन दलाच्या तातडीच्या प्रयत्नांमुळे आगीवर नियंत्रण मिळवण्यात यश आले.
एसी कोचमध्ये लागली अचानक आग :
अनेक अग्निशमन गाड्या घटनास्थळी दाखल :
घटनास्थळी उपस्थित कर्मचारी आणि नागरिकांमध्ये घबराट पसरली. आग लागल्याची माहिती मिळताच तत्काळ अग्निशमन दलाला पाचारण करण्यात आले. काही मिनिटांतच अनेक अग्निशमन गाड्या घटनास्थळी दाखल झाल्या आणि मोठ्या प्रयत्नांनंतर आगीवर नियंत्रण मिळवण्यात आले. आग इतर डब्यांपर्यंत पसरू नये म्हणून परिसर रिकामा करण्यात आला. खबरदारीचा उपाय म्हणून वैद्यकीय पथकही तैनात करण्यात आले होते.
दरम्यान, याआधीही कुर्ला स्थानक येथे यार्डात उभ्या असलेल्या लोकल ट्रेनच्या डब्यांना आग लागल्याची घटना घडली होती. अशा घटनांची पुनरावृत्ती होत असल्याने नागरिकांनी रेल्वे सुरक्षेबाबत प्रश्नचिन्ह निर्माण केले आहेत.