बीड: निवडणुकीच्या विजयी गुलालात बापाला खांद्यावर घेऊन नाचला आणि मग बापानेच मुलाला खांदा दिल्याची धक्कादायक घटना घडली आहे. बीडमधील नगरपंचायत आणि नगरपरिषद निवडणुकीत विजयी झालेल्या नवनिर्वाचित नगरसेवकाच्या ३२ वर्षीय मुलाने गळफास घेऊन आत्महत्या केल्याची घटना घडली आहे. या धक्कादायक घटनेवर शहरात हळहळ व्यक्त केली जात आहे.
मिळालेल्या माहितीनुसार, बीड शहरातील जालना रोडच्या काझीनगर भागात ही घटना घडली. बीड नगरपालिका निवडणुकीत प्रभाग क्रमांक १ मध्ये राष्ट्रवादीच्या शरद पवार गटाचे विजयी उमेदवार अशोक काळे नगरसेवक म्हणून विजयी झाले. वडीलांच्या विजयाचा आनंदोत्सव साजरा केल्यानंतर काळे यांच्या ३२ वर्षीय मुलाने गळफास घेऊन आपली जीवन यात्रा संपवली. पवन अशोक काळे असे या तरुणाचे नाव असून वयाच्या ३२व्या वर्षी त्याने हा टोकाचा निर्णय घेतल्याने कुटुंबावर दु:खाचे सावट पसरले आहे.
पवन काळे यांनी बीड येथील राहत्या घरी गळफास घेऊन आत्महत्या केली. यामुळे कुटुंबीयांना मोठा धक्का बसला आहे. मात्र, पवन काळेने आत्महत्या सारखे टोकाचे पाऊल का उचचले? याचे कारण अद्याप समोर आलेले नाही. घटनेची माहिती मिळताच पोलिसांनी घटनास्थळी धाव घेतली. घटनास्थळाची पाहणी करून पंचनामा केला. दरम्यान मृतदेह शवविच्छेदनासाठी शासकीय रुग्णालयात पाठवला असून या प्रकरणाचा अधिक तपास पोलीस करत आहे.
नवी दिल्ली : भारतीय रेल्वे प्रशासनाने शुक्रवार २६ डिसेंबरपासून देशातील निवडक रेल्वे सेवांच्या दरात वाढ केली आहे तर काही सेवांच्या दरांमध्ये कोणताही ...
बीड नगरपालिका निवडणुकीत प्रभाग क्रमांक १ मध्ये पवनचे वडील अशोक काळे २१ डिसेंबरला लागलेल्या नगरपालिका निवडणुकीच्या निकालात विजयी झाले होते. निवडणुकीच्या दरम्यान पवन वडिलांच्या विजयासाठी प्रचारात सक्रिय होता. निकालानंतर अशोक काळे विजयी झाल्यानंतर सगळ्यांनीच जल्लोष केला होता. यावेळी विजयी मिरवणुकीत पवन सुद्धा सामील होता. मात्र नगर परिषदेतील विजयामुळे घरात आनंदाचं वातावरण असताना पण अचानक पवनने टोकाचे पाऊल का उचलले, हा प्रश्न सर्वांना पडला आहे.