नवी दिल्ली: भारतीय महिला संघाची उपकर्णधार स्मृती मानधने स्वत: सोशल मीडियावर पोस्ट करत पलाश मुच्छलसोबत लग्न मोडल्याची माहिती दिली होती. स्मृतीचे लग्न, वडीलांची तब्येत, पलाशचे व्हायरल चॅट्स यासर्वावर स्मृतीच्या लग्न मोडल्याच्या पोस्टमुळे पूर्णविराम मिळाला. मात्र यानंतर तिच्या चाहत्यांमध्ये तिच्या मानसिक परिस्थितीची काळजी दिसून येत आहे. दरम्यान वैयक्तिक आयुष्यातील मोठ्या वादळातून सावरताना स्मृती मानधनाच्या आयुष्यात आनंदाचा क्षण आला आहे. श्रीलंकेविरुद्धच्या आगामी टी-२० आंतरराष्ट्रीय मालिकेसाठी तिची निवड झाली आहे. यामुळे स्मृतीने तिच्या लग्न मोडल्याच्या पोस्ट मध्ये लिहल्याप्रमाणे तिला आता तिच्या खेळातून सावरायला मदत होणार आहे.
आयसीसीने १६ डिसेंबर रोजी महिला एकदिवसीय फलंदाजांची क्रमवारी जाहीर केली आहे. ज्यामध्ये स्मृती दक्षिण आफ्रिकेच्या कर्णधार लॉरा वोल्वार्डला मागे टाकत अव्वल स्थानावर आहे. दक्षिण आफ्रिकेने आयर्लंडविरुद्ध सात विकेट्सने मिळवलेल्या विजयात ३१ धावा काढल्यानंतर स्मृतीचे रेटिंग गुण ८११ राहिले, तर वोल्वार्ड ८१४ वरून ८०६ वर घसरल्याने स्मृती अव्वल ठरली आहे. तर टॉप १० मध्ये भारताची दुसरी फलंदाज जेमिमा रॉड्रिग्ज आहे दहाव्या स्थानावर आहे.
नवी दिल्ली: पंतप्रधान नरेंद्र मोदी यांना इथिओपिया देशाने ‘ग्रेट ऑनर निशान’ने सन्मानित केले आहे. मोदींना मिळालेल्या हा मोलाच्या आंतरराष्ट्रीय ...
टॉप १० मध्ये कोण आहे?
ऑस्ट्रेलियाच्या खेळाडू टॉप १० मध्ये वर्चस्व गाजवत आहेत. अॅशले गार्डनर तिसऱ्या, बेथ मूनी पाचव्या, अॅलिसा हीली सहाव्या आणि एलिस पेरी संयुक्तपणे न्यूझीलंडच्या सोफी डेव्हाईनसोबत सातव्या स्थानावर आहे. तर वेस्ट इंडिजची हेली मॅथ्यूज नवव्या स्थानावर असून भारताची कर्णधार हरमनप्रीत कौर १४ व्या स्थानावर आहे.
२०२५च्या महिला विश्वचषकात मानधनाने ८११ रेटिंग मिळवले आणि ५४.२५ च्या सरासरीने ४३४ धावा केल्या. भारताने विश्वचषकानंतर एकही सामना खेळलेला नाही आहे. मात्र आता त्यांचा मालिका सामना या महिन्याच्या अखेरीस श्रीलंकेविरुद्ध होणार आहे. जो २१ ते ३० डिसेंबर दरम्यान खेळला जाणार आहे. या सामन्यातील पहिले दोन सामने विशाखापट्टणममध्ये तर उर्वरित तीन सामने तिरुवनंतपुरम इथे खेळले जाणार आहेत.