दुबईत आज भारत-पाक हाय व्होल्टेज सामना

शतकवीर वैभव सूर्यवंशीवर क्रिकेट चाहत्यांचे लक्ष

दुबई : १९ वर्षांखालील आशिया चषक २०२५ क्रिकेट स्पर्धेत भारतीय युवा संघाने त्यांच्या मोहिमेची सुरुवात धडाकेबाज शैलीत केली आहे. सलामीच्या सामन्यात यजमान यूएईचा मोठ्या फरकाने पराभव केल्यानंतर, रविवारी (आज) भारतीय संघ कट्टर प्रतिस्पर्धी पाकिस्तानशी दोन हात करण्यासाठी सज्ज झाला आहे.

स्पर्धेतील पहिल्या सामन्यात भारतीय युवा ब्रिगेडने यूएईचा तब्बल २३४ धावांनी एकतर्फी पराभव केला. भारताच्या या मोठ्या विजयाचा शिल्पकार ठरला युवा फलंदाज वैभव सूर्यवंशी. त्याने अवघ्या काही दिवसांपूर्वी आयपीएलमध्ये केलेल्या वेगवान शतकाची आठवण करून देत, युएईविरुद्ध १७१ धावांची धमाकेदार शतकी खेळी केली आणि संघाला ऐतिहासिक विजय मिळवून दिला. दोन्ही देशांतील क्रिकेट चाहत्यांचे लक्ष या सामन्याकडे लागले असून, मैदानात पुन्हा एकदा चुरशीची लढत पाहायला मिळेल अशी अपेक्षा आहे.

सामन्याची वेळ

भारत आणि पाकिस्तान यांच्यातील हाय व्होल्टेज सामना आज दुबईतील आयसीसी अकादमी मैदानावर खेळला जाईल. हा सामना भारतीय वेळेनुसार सकाळी १०:३० वाजता सुरू होईल, तर नाणेफेक बरोबर १० वाजता होईल.

भारतीय १९ वर्षांखालील संघ :

आयुष म्हात्रे (कर्णधार), वैभव सूर्यवंशी, विहान मल्होत्रा, कनिष्क चौहान, अभिज्ञान कुंडू (यष्टीरक्षक), हरवंश पनगालिया, खिलन पटेल, हेनिल पटेल, दीपेश देवेंद्रन, उद्धव मोहन, नमन पुष्पक, वेदांत त्रिवेदी, किशन कुमार सिंह, आरोन जॉर्ज, युवराज गोहिल.

पाकिस्तानी १९ वर्षांखालील संघ :

फरहान युसूफ (कर्णधार), उस्मान खान, हुजैफा अहसान, हमजा जहूर (यष्टीरक्षक), मोहम्मद सय्यम, अली हसन बलोच, दानियाल अली खान, समीर मिन्हास, अली रझा, मोमीन कमर, अब्दुल सुभान, मोहम्मद हुजैफा, मोहम्मद शायन, नकाब शफीक, अहमद हुसैन.