नंदुरबार : नंदुरबारमधील सारंगखेड्याच्या घोडेबाजारात एक से बढकर एक घोडे दाखल होत आहे. त्यातच उत्तर प्रदेशच्या महेश्वर येथून आलेली रुद्राणी नावाची घोडी दाखल झाली असून या घोडीची किंमत हजारो आणि लाखात नव्हे तर करोडो रुपये आहे. पंजाबच्या पुष्कर येथे रुद्र आणि या घोडीला एका अश्वप्रेमींनी एक कोटी १७ लाखात मागणी केली होती. मात्र या घोडीचे मालक विजय यादव यांनी ही घोडी विकण्यास नकार दिला होता. या घोडीत असं काय खास आहे, ज्यामुळे त्या घोडीची किंमत तब्बल एक कोटी १७ लाख रुपये आहे. सारंगखेड्याच्या यात्रेत रुद्रणी घोडी दाखल झाली असून ती रुद्राश चेमपूरवालेची मुलगी आहे आणि राज नगीनाची नात आहे. ही रुद्राणी अवघ्या २२ महिन्याची आहे. मात्र तिची उंची ६५ इंचपेक्षा अधिक असल्याने ती पूर्ण घोडे बाजारात सर्वात उंच घोडी आहे. रुद्राणी घोडी जितकी सुंदर आहे तितकाच तिचा खुराकदेखील आहे. रुद्राणीला रोज ८ लीटर गाईचे दूध, बिसलरी पाणी, गहू आणि हरभऱ्याच्या भुसा दिला जातो. सकाळ-सायंकाळी तिची चांगल्या पद्धतीने एक तास मालिश केली जाते. त्यानंतर तिला खायला १०० ग्रॅम मोहरीचं तेलं दिलं जातं. संगखेड्याच्या बाजारात रुद्राणी घोडी विक्रीसाठी आलेली नाही. मात्र तिला पाहायचे असणार तर एकदा आश्वांच्या पंढरीत भेट देण्याचे आवाहन केले जात आहे.