मुंबई: मुंबईच्या वीरमाता जिजाबाई भोसले उद्यान आणि प्राणीसंग्रहालयातून आणखी एका वाघाच्या बाबतीत धक्कादायक घटना समोर आली आहे. शक्ती नावाच्या वाघाच्या संशयास्पद मृत्यूनंतर आता रुद्र नावाचा आणखी एक वाघ बेपत्ता झाल्याचा दावा करण्यात आला होता. भाजपाचे दक्षिण मुंबई सरचिटणीस नितीन बनकर यांनी हा दावा केला आहे. यामुळे वीरमाता जिजाबाई भोसले उद्यान आणि प्राणीसंग्रहालयाच्या प्रशासनावर प्रश्नचिन्ह निर्माण झाले आहे. या दोन्ही प्रकरणांवरून प्रश्न पडतो तो, प्रशासन या गोष्टी स्वत:हून जाहीर का करत नाही. दरम्यान राणीच्या बागेत एकूण शक्ती, जय, करिश्मा आणि रुद्र असे चार वाघ होते. त्यापैकी शक्ती आणि रुद्र वाघाचा मृत्यू झाला आहे. त्यामुळे आता प्राणीसंग्रहालयात 'जय' (वय ३ वर्षे) आणि 'करिश्मा' (वय ११ वर्षे ६ महिने) हे दोन वाघ असल्याचे नमूद केले आहे.
राणीबागेतील शक्ती वाघाचा १७ नोव्हेंबरला मृत्यू झाला होता. परंतु, प्रशासनाने ही माहिती २६ नोव्हेंबरला समोर आणली. तब्बल आठ दिवसांनंतर ही माहिती समोर आल्यामुळे उद्यान प्रशासनावर संशय व्यक्त करण्यात येत होता. न्यूमोनिया बाधा झाल्यामुळे श्वसन प्रणाली सुरळीत नसल्याने शक्ती वाघाचा मृत्यू झाल्याचा दावा प्रशासनाने केला होता. याचप्रकरणी अधिक माहिती मिळवण्याकरिता आणि बागेतील रुद्र वाघ बेपत्ता झाल्यामुळे चौकशी करणारे पत्र भाजपाचे दक्षिण मुंबई सरचिटणीस नितीन बनकर यांनी उद्यान संचालकांना लिहिले होते. यानंतर पत्रातील प्रश्नांबाबत खुलासा करताना रुद्र वाघाचा मृत्यू २९ ऑक्टोबरला झाल्याची माहिती उघडकीस आली. रुद्र हा मृत शक्ती वाघ आणि करिष्मा वाघिणी यांचा बछडा असल्याचेही या पत्रातून उघडकीस आले आहे.
अहिल्यानगर: जिल्हा पोलिस दलाने बसमधून महिलांच्या पर्स चोरी करणाऱ्या एका सराईत जोडप्याला जेरबंद केले आहे. या प्रकरणातील धक्कादायक बाब म्हणजे, ...
रुद्र बछड्याच्या आरोग्याबाबत प्रशासनाने सांगितले की, त्याला आईचे दूध कमी मिळाल्यामुळे त्याच्या संगोपनासाठी पशुवैद्यकीय अधिकारी व त्यांच्या पथकाने लहानपणापासूनच मेहनत घेतलेली आहे. परंतु योग्य त्या काळात आईचे दूध न मिळाल्यामुळे त्याची प्रतिकार शक्ती ही कमजोराच होती. यामुळे तो आकाराने, वजनाने व आरोग्याच्या दृष्टीने जय वाघापेक्षा कमजोर होता. तसेच त्याला अनेकदा ट्रिपॅनोसोमा संसर्गाची लागण अनेकदा झाली होती. ज्याचा परिणाम त्याच्या दृष्टीवर झाल्याने त्याने दृष्टी गमावली होती. त्यात त्याला २१ ऑक्टोबरपासून श्वास घेण्यासाठी खूप त्रास होऊ लागल्यामुळे नेब्युलायझेशन नियमित देण्यात येत होते. मात्र २९ ऑक्टोबरला रात्री त्याने प्राण सोडला.