 |
अनुकूल फळे प्रतिपादित होतील
मेष : विशेषत: विद्यार्थ्यांना अनुकूल फळे प्रतिपादित होतील. उच्च शिक्षणाचे मार्ग प्रशस्त होतील. शिष्यवृत्तीसह परदेशगमनाचे योग आहेत. मात्र प्रामाणिक प्रयत्नांची आवश्यकता राहील. कुटुंबातून तसेच गुरुतुल्य व्यक्तींकडून मार्गदर्शन व मदत मिळेल. नोकरीमध्ये आपण केलेल्या कामाचे कौतुक होऊन प्रशंसेस पात्र ठराल. एखादी महत्त्वाची जबाबदारी पार पाडावी लागेल. वरिष्ठांशी चांगले संबंध प्रस्थापित होतील. व्यवसाय-धंद्यातील परिस्थिती समाधानकारक राहील. स्पर्धकांवर मात करता येईल. कुटुंबातील तरुण-तरुणींचे भाग्योदय होतील. मंगलकार्य ठरेल. नोकरीविषयक प्रश्न अथवा समस्या संपुष्टात येतील. पुत्र चिंतेतून मुक्त व्हाल.
|
 |
ओळखी-मध्यस्ती फलद्रूप होतील
वृषभ : अनेकानेक मार्गानी धन आगमन होईल. गुंतवणूक भरघोस आर्थिक फायदा मिळवून देतील नवीन गुंतवणूक करण्याची इच्छा होईल मात्र नवीन गुंतवणूक करताना जाहिरातींना तसेच इतरांच्या गोड बोलण्याला फसू नका. त्या-त्या क्षेत्रातील तज्ज्ञ मंडळींच्या सल्ला अवश्य घ्या. जमीन जुमला, मालमत्तेचे व्यवहार इत्यादीमधून मोठे आर्थिक लाभ होतील. ओळखी मध्यस्ती फलद्रूप होतील. एखादे रखडलेले महत्त्वाचे काम तसेच सरकारी काम सुद्धा सफल होईल. मोठ्या राजकीय व्यक्तींच्या ओळखीतून लाभ होतील. प्रवाही ग्रहमान असल्यामुळे वेगाने घटना घडतील व्यवसाय-धंद्यात व्यावसायिक वसुली होईल. कुटुंब परिवारात सुखद वार्ता मिळतील. शुभ कारणांसाठी प्रवास करण्याचे योग आहेत. |
 |
मनासारख्या घटना घडतील
मिथुन : नोकरी-धंद्यात शुभ फळे मिळतील. मनासारख्या घटना होतील. नोकरीतील राजकारण संपेल. वरिष्ठांची मर्जी राहील तसेच हाताखालील लोकांचे सहकार्य मिळेल. व्यवसाय-धंद्यात नवीन करार मदार होऊन काही फायद्याचे सौदे हाती येतील. व्यवसायात केलेले बदल सकारात्मक ठरतील. कोणत्याही प्रकारच्या खरेदी-विक्रीमध्ये सावधानता बाळगणे गरजेचे आहे. सावधानता बाळगा. कोणत्याही प्रकारचे लहान-मोठे आर्थिक व्यवहार करताना सतर्क राहावे. वादग्रस्त येणे वसूल होईल. शांतपणे निर्णय घेणे आवश्यक ठरेल. कुटुंबात जोडीदाराचे सहकार्य चांगले मिळेल. वैवाहिक सुख लाभेल. विवाह समारंभांना उपस्थित राहाल. परदेशी संधान यशस्वी होईल.
|
 |
प्रामाणिक प्रयत्नांची गरज
कर्क : कुटुंबातील मुला-मुलींच्या प्रगतीच्या वार्ता कानी येतील. त्यांचे नोकरीविषयक असलेले प्रश्न अथवा समस्या संपुष्टात येतील. कॉलेज कॅम्पसमधून नोकरी नक्की होईल. परदेशी जाण्याचे स्वप्न साकार होईल, पण त्या दृष्टिकोनातून प्रयत्न आवश्यक. प्रामाणिक प्रयत्नांची गरज राहील. अचानक खर्च करावा लागेल; परंतु मदत उपलब्ध होईल. कुटुंबात तसेच आपल्या कार्यक्षेत्रात वाद-विवाद टाळणे हितकारक ठरेल. प्रवासाचे योग आहेत, पण प्रवासामध्ये जपून राहावे वाहनाच्या वेगावर नियंत्रण आवश्यक आहे. दुसऱ्या वाहनांबरोबर स्पर्धा नको. अतिआत्मविश्वास टाळणे हितकारक राहील.
|
 |
समाधानी राहाल
सिंह : काही महत्त्वाची कामे रखडलेली होती व ती पूर्ण करण्यासाठी आपण मनापासून प्रयत्न करीत होता अशा स्वरूपाची कामे या कालावधीत हातावेगळी करता येतील. व्यवसाय-धंद्यात काही नवीन घटना घडतील त्या व्यवसायात पोषकच ठरतील. वादग्रस्त येणी येतील आर्थिक परिस्थिती मजबूत राहील. विशेषतः ज्यांचे परदेशी व्यापार आहेत अशांचे काही नवीन करारमदार होऊ शकतात. व्यावसायिक जुने संबंध नव्याने प्रस्थापित होऊ शकतात. कामानिमित्त जवळचे तसेच दूरचे प्रवास होतील. परदेश गमन शक्य होईल.
|
 |
आळस झटका
कन्या : बरेच दिवस आपल्या मनात एखाद्या महत्त्वाच्या कामाबद्दल विचार चालला होता ते काम आता होईल. दीर्घकालीन रखडलेली कामे पूर्ण होतील; परंतु प्रयत्नात कमी पडू देऊ नका आळस झटका. स्वतःचे काम स्वतः करा. शुभ ग्रहमानाचा फायदा करून घ्या. व्यवसाय-धंद्यात उलाढाल वाढेल. आपल्या उत्पादनाला सतत मागणी राहील. कुटुंबातील विवाहयोग्य तरुण-तरुणींचे विवाह ठरतील. योग्य जीवनसाथी निवडता येईल. नोकरीत आपण केलेल्या कार्याची प्रशंसा होईल. |
 |
घवघवीत यश मिळू शकते
तूळ : सध्याचे प्राप्त ग्रहमान आपल्यासाठी पूर्णपणे अनुकूल राहील. हात लावाल तेथे सोने होईल. सर्वच बाबतीत यश दायक परिस्थिती निर्माण झालेली अनुभवता येईल. विद्यार्थ्यांना घवघवीत यश मिळू शकते. स्पर्धा परीक्षा उत्तम राहतील. तसेच नोकरीविषयक दिलेल्या मुलाखतीतून यश प्राप्त होईल. उत्साह आत्मविश्वास ऊर्जा संपन्न राहाल. अतिआत्मविश्वास टाळा. काही वेळेस कुटुंबात तसेच आपल्या कार्यक्षेत्रात लहान सहान कारणांवरून वादविवादाची परिस्थिती निर्माण होऊ शकते. व्यवसाय धंद्यातील परिस्थिती समाधानकारक राहील. कुटुंबातील मुलींकडून आनंददायक वार्ता मिळतील.
|
 |
सकारात्मक बदल
वृश्चिक : व्यवसाय-धंद्यात अथवा नोकरीत वातावरण अनुकूलतेने भरलेले राहील. आत्तापर्यंत नोकरीत अथवा आपल्या कार्यक्षेत्रात आलेला ताणतणाव संपुष्टात येईल. काही व्यवसायासाठी असलेले सकारात्मक बदल व्यवसायास पोषक ठरतील. नवीन उत्पादनाविषयी सकारात्मक हालचाली होतील, तसेच व्यवसायिक जागेचे नियोजन करता येईल. वरिष्ठांचे तसेच हाताखाली लोकांचे सहकार्य अपेक्षित असलेले मिळत राहील परदेशी जाण्याचा योग आहे. मालमत्तेच्या व्यवहारात फायदा होईल मात्र आपल्या प्रकृतीस जपा.
|
 |
परदेशवारी
धनु : शुभ ग्रहांच्या शुभ योगाचा वरचष्मा या सप्ताहात राहील. स्वतंत्र व्यावसायिक आपल्या व्यवसाय-धंद्यात चांगले यश मिळवू शकतील. ज्यांचा व्यवसाय प्रदेशाची संबंधित आहे विशेषतः अशा व्यवसायात आर्थिक फायदे मिळतील. परदेशवारीची पण शक्यता राहील. पूर्वी केलेले व्यावसायिक नियोजन सफल होताना दिसेल. व्यावसायिक उलाढाल वाढेल. नफ्याच्या प्रमाणात चांगली वाढ झालेली जाणवेल. आपण जर स्वतःच्या मालकीच्या घराचे स्वप्न बघत असाल तर त्या दृष्टीने केलेले प्रयत्न सफल होतील.
|
 |
वाद-विवाद संपतील
मकर : गेल्या काही दिवसांत आपल्याला कोणत्यातरी गोष्टीतून त्रास अथवा मनस्ताप होत होता अशा समस्या सुटतील. तोडगा हाती येईल. राहत्या घराविषयीचे प्रश्न सुटून स्वतःच्या घरात राहता येईल. वाद-विवाद संपतील. वडिलोपार्जित संपत्तीविषयी असलेले मतभेद संपुष्टात येतील सर्वमान्य तोडगा निघेल. आप्तेष्ट, भावंड्यांच्याबरोबर असलेले मतभेद अथवा वाद-विवाद संपून नाती सुधारतील. पूर्वी दिलेल्या नोकरीविषयक मुलाखतीतून नोकरीचे बोलावणे येऊ शकते. चालू नोकरीमधील परिस्थिती तीच राहिली तरी नव्या नोकरी विषयीचे विचार डोक्यात येऊ शकतात. अधिक चांगले उत्पन्न मिळवून देणारी नोकरी मिळण्याची शक्यता परदेशी सुद्धा प्रयत्न करण्यास हरकत नाही. |
 |
बदलत्या परिस्थितीचा फायदा
कुंभ : आत्तापर्यंत आलेली मरगळ दूर होऊन उत्साह वाटेल आत्मविश्वासात वृद्धी होईल. आपल्या समोरील कामे आपण वेगाने कराल. नवीन कामे हातात घ्याल. बदलत्या ग्रहमानानुसार, बदलत्या परिस्थितीचा फायदा मिळेल. महत्त्वाची कामे हातावेगळी करून घ्या. त्यामध्ये टंगळमंगळ करू नका. इतरांवर कामाच्या बाबतीत अवलंबून राहणे चुकीचे ठरेल. महत्त्वाच्या बाबीत यशाचे प्रमाण वाढते राहील. मात्र योग्य वेळेस योग्य निर्णय शांतपणे घ्या. स्वतःच्या मताला किंवा आपल्या आवाजाचे ऐका. व्यवसायात नवीन योजना सफल होईल. वैयक्तिक उत्सव समारंभ होतील. घरगुती राजकारणापासून दूर राहा. नात्यांना महत्त्व द्या. आवडत्या व्यक्तीचा सहवास मिळेल. सप्ताह मोठा मौमौजमजेचा व्यतीत होईल. |
 |
विवाह ठरतील
मीन : कुटुंबातील तरुण-तरुणींचे प्रश्न सुटतील. तसेच विवाहोत्सुक मुलामुलींचे विवाह ठरतील. काहींचे परिचयोत्तर विवाह ठरू शकतात. आत्तापर्यंतचे प्रेमप्रकरण विवाहासारख्या पवित्र बंधनात बांधले जाईल. मनासारखा जीवनसाथी मिळू शकतो. नोकरीसाठी दिलेल्या मुलाखती यशस्वी ठरतील. ओळखी मध्यस्तीमुळे महत्त्वाची कामे पार पाडता येतील. व्यवसाय-धंद्यात परिस्थिती सुधारत जाईल. केलेले नियोजन सफल होताना दिसेल. व्यवसायाची आर्थिक घडी व्यवस्थित बसेल. ज्यांना नवीन नोकरी लागली होती तेथे स्थिरता लाभेल. आत्तापर्यंत कलुषित झालेली मानसिकता चांगलीच सुधारेल.
|
