मोहित सोमण:आज इक्विटी बेंचमार्क निर्देशांकात सकाळच्या सत्रात घसरण झाली आहे. पहाटेला सुरूवातीच्या गिफ्ट निफ्टीतील तेजीची कल दिसत होता. मात्र वैश्विक अनिश्चितेमुळे आज शेअर बाजारात घसरण झाली आहे. प्रामुख्याने स्मॉल व लार्जकॅप शेअर्सच्या आधारे बाजारात घसरण झाली असली तरी मिडकॅप मधील किरकोळ तेजीने बाजारात आधार मिळाला आहे. सेन्सेक्स २९२.०६ अंकांनी व निफ्टी ६६.३५ अंकांनी घसरला आहे. सकाळच्या सत्रात व्यापक निर्देशांकात बहुतांश निर्देशांकात वाढ झाली आहे. सर्वाधिक वाढ स्मॉलकॅप १०० (०.५९%), स्मॉलकॅप ५० (०.७७%) निर्देशांकात वाढ झाली आहे तर निफ्टी १०० (०.११%), निफ्टी २०० (०.०५%) निर्देशांकात किरकोळ घसरण झाली.
निफ्टी क्षेत्रीय निर्देशांकात (Nifty Sectoral Indices) सकाळच्या सत्रात बहुतांश निर्देशांकात वाढ झाली आहे. प्रामुख्याने आज भारतीय अस्थिरता निर्देशांक (VIX Volatility Index) हा ५.९४% उसळला असल्याने अखेरच्या सत्राबाबत अस्थिरता कायम राहू शकते. प्रामुख्याने यांचा सर्वाधिक प्रभाव लार्जकॅप निर्देशांकात राहू शकतो. निफ्टी क्षेत्रीय निर्देशांकात मिडस्मॉल हेल्थकेअर (०.८४%), मिड स्मॉल फायनांशियल सर्विसेस (०.४७%),पीएसयु बँक (१.२८%) निर्देशांकात वाढ झाली असून घसरण कंज्यूमर ड्युरेबल्स (०.६०%), आयटी (०.८४%), प्रायव्हेट बँक (०.३३%) निर्देशांकात झाली आहे.
सुरूवातीच्या कलात सर्वाधिक वाढ इंटलेक्ट डिझाईन (८.५४%), श्रीराम फायनान्स (५.७०%), नवीन फ्लुओ इंटरनॅशनल (५.०७%), एसबीएफसी फायनान्स (४.६६%), वी गार्ड इंडस्ट्रीज (४.३३%), बँक ऑफ बडोदा (४.१५%) या निर्देशांकात झाली असून सर्वाधिक घसरण झेंसार टेक्नॉलॉजी (५.२३%), नेटवेब टेक्नॉलॉजी (४.६२%), ब्लू डार्ट एक्स्प्रेस (३.६५%), टाटा केमिकल्स (३.५२%), पजांजली फूडस (३.२२%), न्यू इंडिया अँन्शुरन्स (३.१८%), मारूती सुझुकी (२.८७%), जेके सिमेंट (२.१२%), कजारिया सिरॅमिक्स (२.०३%) निर्देशांकात झाली आहे.
आजच्या बाजार पूर्व परिस्थितीवर विश्लेषण करताना जिओजित इन्व्हेसमेंट लिमिटेडचे मुख्य गुंतवणूक रणनितीकार डॉ वी के विजयाकुमार म्हणाले आहेत की,'ऑक्टोबरमध्ये सेन्सेक्समध्ये ३८६० अंकांची आणि निफ्टीमध्ये ११५७ अंकांची तीक्ष्ण वाढ बाजाराला नवीन विक्रमी उच्चांक गाठण्यास मदत करू शकली नाही. नफा बुकिंग आणि एफआयआय पुन्हा विक्रेते वळले यामुळे तेजीचा विक्रमी उच्चांक गाठण्यास अडथळा निर्माण झाला. भारतात रॅलींवर विक्री करण्याच्या आणि इतर चांगल्या कामगिरी करणाऱ्या बाजारपेठांमध्ये पैसे वळवण्याच्या एफआयआय धोरणामुळे त्यांना भरपूर लाभांश मिळाला असल्याने, आताही तेच धोरण सुरू ठेवण्याची अपेक्षा केली जाऊ शकते. या परिस्थितीत बदल तेव्हाच होईल जेव्हा आपल्याकडे भारतातील कॉर्पोरेट उत्पन्नात स्मार्ट बदल दर्शविणारे प्रमुख निर्देशक असतील.ट्रम्प - शी जिनपिंग शिखर परिषदेने अमेरिका-चीन व्यापार युद्धात केवळ तात्पुरती शांतता दिली, व्यापार करार नाही. संभाव्य अमेरिका-भारत व्यापार करारावर याचे परिणाम अद्याप दिसून येत आहेत.उद्योगातील एक महत्त्वाचा ट्रेंड म्हणजे ऑटोमोबाईल्सची, विशेषतः लहान कारची सतत मागणी, जी आशावादी अपेक्षेपेक्षा चांगली असल्याचे दिसून येत आहे. ऑटो शेअर्स लवचिक राहतील.'
आजच्या बाजारातील सुरूवातीच्या टेक्निकल पोझिशनवर भाष्य करताना जिओजित इन्व्हेसमेंट लिमिटेडचे मुख्य बाजार रणनितीकार आनंद जेम्स म्हणाले आहेत की,' गेल्या सलग दोन आठवड्यात २६१०० क्षेत्र ओलांडण्यात अयशस्वी झाल्यामुळे निर्माण झालेल्या टॉपिंग पॅटर्नमुळे घसरणीची परिस्थिती निर्माण झाली होती ज्यामुळे निफ्टी २५४०० पातळीच्या मार्गावर पोहोचला असे दिसते. तथापि, आठवड्याच्या सुरुवातीच्या कठीण परिस्थितीतून ऑसिलेटर बाहेर आले आहेत आणि ते २५७०० पातळीपासून जास्त घसरण न होता बुल्सना पुन्हा एकत्र येण्यास अनुमती देऊ शकतात.'