'आय लव्ह मोहम्मद' बॅनरवरून संताप; 'धमक्या देऊ नका, हैदराबादमार्गे पाकिस्तानात पाठवावे लागेल'
मुंबई : भाजपचे नेते आणि मंत्री नितेश राणे यांनी एमआयएमचे नेते वारिस पठाण यांना थेट आणि आक्रमक भाषेत आव्हान दिले आहे. 'आय लव्ह मोहम्मद' (I Love Mohammad) बॅनरच्या वादग्रस्त घटनेवरून राणे संतापले असून, त्यांनी थेट वारिस पठाणांवर जोरदार निशाणा साधला.
राणे म्हणाले, “जागा आणि वेळ कळवा, किंवा मस्जिद निवडा. हे नसबंदीवाले पिलावळ आहे. धमक्या देऊ नका, तुम्हाला माहिती आहे नितेश राणे काय चीज आहे. आता यांना हैदराबाद मार्गे पाकिस्तानात पाठवण्याचं काम करावं लागेल.”
राज्यात 'हिरव्या सापांची वळवळ' सुरू झाल्याचा आरोप करत राणेंनी एमआयएमच्या कार्यकर्त्यांना तिखट शब्दांत फटकारले. “राज्यात हिंदुत्ववादी सरकार आहे. जर वातावरण खराब करण्याचा प्रयत्न असेल, तर सरकारलाही विचार करावा लागेल की अशा सभा होऊ द्यायच्या की नाही,” असा इशारा त्यांनी दिला.
तिसरा डोळा उघडायला लावू नका! आय लव्ह मोहम्मद' बॅनरवरून राणे संतप्त मुंबई : मंत्री नितेश राणे यांनी एमआयएमचे अध्यक्ष असदुद्दीन ओवैसी यांच्यावर तीव्र ...
राणे यांनी यावेळी धार्मिक भावनांचा मुद्दा उपस्थित केला. “भुंकणारे कुत्रे चावत नाहीत. पैगंबर आणि कुराणावर बोललं तर वळवळतं, पण आमच्या देवींचे हात तोडता तेव्हा आम्ही गप्प बसायचं का?” असा सवाल त्यांनी केला.
याशिवाय, एमआयएमवर टीका करताना राणे म्हणाले, “यांना शरीया आणायचा आहे, हे लोकं डॉ. आंबेडकरांना मानत नाहीत.” त्यांनी शिवशक्ती आणि भीमशक्तीच्या एकजुटीवर जोर देत, "खरा सनातनी हिंदू तोच, जो शिवशक्ती आणि भीमशक्तीला मानतो," असे स्पष्ट केले.