सर्पदंश झालेल्या मावशीचाही उपचारादरम्यान मृत्यू!

मृतांच्या नातेवाइकांचे मुख्य आरोग्य अधिकाऱ्यांच्या दालनात आंदोलन


कल्याण (वार्ताहर) : साडेचार वर्षांच्या चिमुकलीचा साप चावल्याने मृत्यू झाला होता. याचवेळी त्या सापाने मुलीच्या मावशीला देखील दंश केला होता. तिच्यावर देखील उपचार सुरू होते, मात्र उपचार सुरू असताना सोमवारी रात्री तिचा मृत्यू झाला आहे. या घटनेनंतर संताप व्यक्त करत मृतांच्या नातवाईकांनी कल्याण डोंबिवली महापालिकेच्या मुख्य आरोग्य अधिकाऱ्यांच्या दालनात आंदोलन करत ठिय्या मांडला. याप्रकरणी दोषी डॉक्टर आणि अधिकाऱ्यांवर गुन्हे दाखल करण्याची मागणी केली. मुख्य आरोग्य अधिकाऱ्यांच्या लेखी आश्वासनानंतर हे आंदोलन मागे घेण्यात आले.


डॉक्टरांनी सुरुवातीला दोघांचीही तब्येत 'व्यवस्थित' असल्याचे सांगितले. मात्र, एका तासाच्या उपचारानंतर प्राणवीची तब्येत अचानक बिघडली. परिस्थिती गंभीर झाल्याचे पाहून कुटुंबीयांनी तिला पुढील उपचारासाठी दुसऱ्या रुग्णालयात हलवण्याचा निर्णय घेतला. पण दुर्दैवाने, तिला रुग्णालयातून हलवण्यापूर्वीच शास्त्रीनगर रुग्णालयाच्या प्रवेशद्वारावरच तिने अखेरचा श्वास घेतला. मुलीची मावशी श्रुतीवर मात्र एका खासगी रुग्णालयात उपचार सुरू होते, परंतु उपचारादरम्यान त्यांचाही मृत्यू झाला. श्रुतीचे पुढील महिन्यात लग्न होते. त्याची तयारी देखील सुरू होती. मात्र या घटनेनंतर आनंदीत असणाऱ्या घरात दु:खाचे सावट पसरले आहे.


साप चावल्यावर केडीएमसीच्या रुग्णालयात योग्य उपचार मिळत नाहीत आणि पर्यायी व्यवस्था उपलब्ध नसल्यामुळेच आपल्या मुलीचा मृत्यू झाल्याचा गंभीर आरोप नातेवाइकांनी केला आहे. या घटनेनंतर संतप्त झालेल्या मयत मुलीच्या कुटुंबीयांनी व नागरिकांनी शास्त्रीनगर रुग्णालय प्रशासनाच्या विरोधात तीव्र संताप व्यक्त केला. नातेवाईक सत्यवान म्हात्रे तसेच राष्ट्रवादी कॉंग्रेस शरद पवार गटाचे डोंबिवली शहर अध्यक्ष भालचंद्र पाटील आदींनी थेट मुख्य आरोग्य अधिकारी डॉ. दीपा शुक्ला यांच्या दालनात ठिय्या आंदोलन सुरू केले आणि उपस्थित वैद्यकीय अधिकाऱ्याला जाब विचारत धारेवर धरले, तर याप्रकरणी दोषींवर कारवाई न झाल्यास केडीएमसी रुग्णालयाला टाळे ठोकण्याचा इशारा दिला आहे.

Comments
Add Comment

भाऊबीजनिमित्त राज-उद्धव पुन्हा एकत्र

मुंबई : आज देशभरात भाऊबीज उत्साहात साजरी होत असतानाच आदित्य ठाकरे आणि तेजस ठाकरे यांनी आज (दि.२३) शिवतीर्थ येथे

लक्ष्मीपूजनाच्या दिवशी प्रदूषणात सरासरी ११.१ टक्के वाढ

ठाणे : नागरिकांनी याही वर्षी दिवाळी सण उत्साहाने साजरा केला असून याकाळात फटाके वाजण्याच्या प्रमाणातही वाढ

जोगेश्वरी येथील व्यावसायिक इमारतीला भीषण आग: २७ जणांची सुटका, ९ जण रुग्णालयात दाखल; जखमींची नावे जाहीर

मुंबई: जोगेश्वरी पश्चिम भागातील गांधी शाळेजवळ असलेल्या जेएमएस बिझनेस सेंटर या इमारतीला आज, गुरुवार, २३ ऑक्टोबर

ऐरोली पुलावर बेस्ट बस-टेम्पोची धडक; ७ प्रवासी जखमी

मुंबई: ऐरोली पुलावर आज, गुरुवारी (२३ ऑक्टोबर) सकाळी १०:०५ वाजता बेस्ट बस आणि टेम्पोमध्ये जोरदार धडक झाली. या

सलग दुसऱ्यांदा शून्यावर बाद झालेला विराट कोहली एकदिवसीय क्रिकेटमधून निवृत्त होणार, सोशल मीडियात चर्चा

अ‍ॅडलेड : भारत आणि ऑस्ट्रेलिया यांच्यात सुरू असलेल्या तीन एकदिवसीय सामन्यांच्या मालिकेतील दुसरा सामना अ‍ॅडलेड

बिग बींच्या जावयाचा जुहूमध्ये २८ कोटींचा आलिशान फ्लॅट...

मुंबई : मुंबईतील जुहू येथील आलिशान अपार्टमेंटची तब्बल २८ कोटी रुपयांना विक्री झाली आहे. गुरुवारी १६ ऑक्टोबर २०२५