मुंबई: सकाळी उपाशी पोटी कच्चा लसूण खाणे हे एक जुने आणि प्रभावी आरोग्य रहस्य मानले जाते. लसणामध्ये अनेक औषधी गुणधर्म आहेत, जे शरीराला विविध आजारांपासून वाचवतात. लसूणमध्ये ॲलिसिन नावाचे एक रसायन असते, जे अँटी-बॅक्टेरियल आणि अँटी-फंगल गुणधर्मांनी परिपूर्ण आहे.
रोगप्रतिकारशक्तीसाठी प्रभावी
लसूण रोगप्रतिकारशक्ती वाढवण्यासाठी एक नैसर्गिक औषध म्हणून काम करते. दररोज सकाळी रिकाम्या पोटी लसणाची एक पाकळी खाल्ल्याने सर्दी, खोकला, आणि इतर संसर्गजन्य आजारांपासून बचाव होतो.
हृदयाच्या आरोग्यासाठी वरदान
लसूण खाल्ल्याने रक्तातील कोलेस्ट्रॉलची पातळी कमी होते, ज्यामुळे हृदयाशी संबंधित आजारांचा धोका कमी होतो. याशिवाय, लसूण रक्तदाब नियंत्रणात ठेवण्यासही मदत करते. लसूण खाल्ल्याने रक्त पातळ होते, त्यामुळे रक्त गोठण्याची प्रक्रिया कमी होते आणि हार्ट ॲटॅकचा धोका टाळता येतो.
पचनसंस्थेसाठी फायदेशीर
लसूण पचनसंस्थेसाठीही खूप फायदेशीर आहे. सकाळी लसूण खाल्ल्याने पचनक्रिया सुधारते आणि आतड्यांचे आरोग्य चांगले राहते. हे शरीरातील विषारी पदार्थ बाहेर काढण्यासही मदत करते.