व्लादिमीर पुतिन डिसेंबरमध्ये भारतात दौऱ्यावर येणार

पंतप्रधान नरेंद्र मोदींसोबत करणार द्विपक्षीय चर्चा

नवी दिल्ली : रशियाचे राष्ट्राध्यक्ष व्लादिमीर पुतिन आगामी डिसेंबर महिन्यात भारताच्या दौऱ्यावर येणार आहेत. क्रेमलिनच्या परराष्ट्र धोरण सल्लागार यूरी उशाकोव यांनी या दौऱ्याची अधिकृत घोषणा केली आहे. भारत आणि रशियामधील वार्षिक द्विपक्षीय शिखर परिषदेच्या निमित्ताने हा दौरा होणार असून दोन्ही देशांमधील रणनीतिक भागीदारीचा हा महत्त्वपूर्ण टप्पा मानला जात आहे.

राष्ट्राध्यक्ष पुतिन आणि पंतप्रधान नरेंद्र मोदी यांची यंदाच्या वर्षातील पहिली प्रत्यक्ष भेट ३१ ऑगस्ट ते 2 सप्टेंबर 2025 दरम्यान चीनच्या तियानजिन शहरात होणाऱ्या शांघाय सहयोग संघटना (एससीओ) शिखर परिषदेत होणार आहे. रविवारी 1 सप्टेंबर रोजी ‘एससीओ प्लस’ बैठकीनंतर दोन्ही नेत्यांमध्ये स्वतंत्र चर्चा होईल, अशी माहिती उशाकोव यांनी दिली. भारत आणि रशिया यांच्यात डिसेंबर 2010 मध्ये विशेष रणनीतिक भागीदारीची घोषणा करण्यात आली होती. यावर्षी या ऐतिहासिक भागीदारीची 15 वा वर्धापन दिन आहे. या पार्श्वभूमीवर डिसेंबरमध्ये होणारी पुतिन यांची भारत भेट विशेष महत्त्वाची मानली जात आहे. उशाकोव यांनी सांगितले की, भारत दौऱ्याच्या तयारीवरही चीनमधील भेटीत चर्चा होईल. अलीकडेच अमेरिकेने भारताकडून रशियन तेल खरेदीवर 50 टक्के टॅरिफ लावले होते. त्यानंतर पुतिन यांनी पंतप्रधान मोदींना फोन करून या मुद्यावर चर्चा केली होती. त्याचवेळी पंतप्रधान मोदींनी त्यांना भारत दौऱ्याचे आमंत्रण दिले होते. आता क्रेमलिनने या आमंत्रणावर अधिकृत मुहर मारली आहे.

एनएसए अजित डोभाल यांचा मॉस्को दौराया महिन्याच्या सुरुवातीला भारताचे राष्ट्रीय सुरक्षा सल्लागार अजित डोभाल यांनी मॉस्को दौरा केला होता. त्या वेळी त्यांनी पंतप्रधान मोदींच्या वतीने पुतिन यांना अधिकृत आमंत्रण दिले होते. पुतिन यांनी हे आमंत्रण स्वीकृत केल्याचे आता स्पष्ट झाले आहे.