आशिया कप २०२५ पूर्वी बीसीसीआयमध्ये मोठे बदल, राजीव शुक्ला बनले हंगामी अध्यक्ष

  15

मुंबई : एशिया कप 2025 मध्ये भारताचा पहिला सामना 10 सप्टेंबर रोजी यूएई विरुद्ध होणार आहे,त्याला सुरू होण्यास आता दोन आठवड्यांपेक्षा कमी वेळ उरला आहे. याच दरम्यान एक मोठी बातमी समोर आली आहे. मिळालेल्या माहितीनुसार, राजीव शुक्ला यांना बीसीसीआयचा कार्यवाहक अध्यक्ष नेमण्यात आलं आहे. रॉजर बिन्नी लवकरच अधिकृतपणे आपल्या पदाचा राजीनामा देऊ शकतात.


२७ ऑगस्ट रोजी राजीव शुक्ला यांच्या नेतृत्वाखाली बीसीसीआयच्या अधिकाऱ्यांची एक बैठक झाली होती. या बैठकीत भारतीय संघाच्या टायटल स्पॉन्सरशी असलेल्या ड्रीम11 च्या कराराच्या समाप्तीवर आणि नवीन करार शोधण्यावर चर्चा झाली. सांगायचं झालं तर, २०२२ मध्ये सौरव गांगुली अध्यक्ष पदावरून हटल्यानंतर रॉजर बिन्नी यांनी अध्यक्षपद स्वीकारले होते. आता ते ७० वर्षांहून अधिक वयाचे झाले असल्याने ते लवकरच आपला राजीनामा जाहीर करू शकतात.


राजीव शुक्ला यांचा जन्म १३ सप्टेंबर १९५९ रोजी झाला होता. सध्या त्यांचे वय ६६ वर्षे आहे. ते आधी पत्रकार होते, त्यानंतर त्यांनी राजकारणात प्रवेश केला आणि नंतर भारतीय क्रिकेटमध्ये एक खास स्थान निर्माण केलं. २०१५ मध्ये त्यांची आयपीएलचे चेअरमन म्हणून नियुक्ती झाली. १८ डिसेंबर २०२० रोजी त्यांना बीसीसीआयचे उपाध्यक्ष बनवण्यात आलं. सध्या ते छत्तीसगडमधील राज्यसभा खासदारांपैकी एक आहेत.


नियमांनुसार, कोणत्याही बीसीसीआय पदाधिकाऱ्याचे कमाल वय ७० वर्षे आहे. रॉजर बिन्नी यांचा जन्म १९ जुलै १९५५ रोजी झाला असून, ते आता ७० वर्षांचे झाले आहेत. त्यामुळे ते अध्यक्षपदावर राहण्यास अयोग्य ठरतात. नवीन अध्यक्ष निवड होईपर्यंत राजीव शुक्ला हे कार्यवाहक अध्यक्ष म्हणून काम पाहतील. बीसीसीआय सध्या सुप्रीम कोर्टाच्या आदेशानंतर लोढा समितीच्या शिफारसींवर आधारित संविधानानुसार चालते.


रॉजर बिन्नी हे १९८३ च्या वर्ल्ड कप विजेता संघाचे सदस्य होते. त्यांनी भारतासाठी २७ कसोटी आणि ७२ एकदिवसीय सामने खेळले असून, अनुक्रमे ४७ आणि ७७ विकेट्स घेतल्या आहेत.बीसीसीआय सध्या भारतीय क्रिकेट संघासाठी नवीन टायटल स्पॉन्सर शोधत आहे. कारण ऑनलाइन गेमिंगसंबंधी नवीन कायदा आल्यामुळे ड्रीम11 सोबतचा करार नियोजित कालावधीपूर्वीच संपुष्टात आला आहे. एशिया कप ९ सप्टेंबरपासून सुरू होत आहे, आणि त्याआधी नवीन टायटल स्पॉन्सर मिळवणं आव्हानात्मक वाटतंय. बीसीसीआय काही दिवसांत नवीन प्रायोजकासाठी जाहिरात जारी करू शकतो.


Comments
Add Comment

जागतिक बॅडमिंटन स्पर्धेत पी. व्ही. सिंधूचा प्रवास उपांत्यपूर्व फेरीतच थांबला

पॅरिस : भारताची स्टार बॅडमिंटनपटू आणि दोन वेळा ऑलिंपिक पदक विजेती पी. व्ही. सिंधूचे जागतिक बॅडमिंटन चॅम्पियनशिप

Lionel Messi: लिओनेल मेस्सीचे निवृत्तीचे संकेत... ४ सप्टेंबर रोजी खेळणार शेवटचा घरगुती सामना!

बुएनोस आइरेस: फुटबॉलचा जादूगार लिओनेल मेस्सीने निवृत्तीचे संकेत देत, जगभरातील त्याच्या लाखो चाहत्यांना धक्का

Diamond League 2025 Final : नीरज चोप्रा दुसऱ्या स्थानावर, ज्यूलियन वेबरने जिंकले विजेतेपद

झुरिच: भारताचा स्टार भालाफेकपटू नीरज चोप्राला स्वित्झर्लंडमधील झुरिच येथे झालेल्या डायमंड लीग २०२५ च्या अंतिम

मुस्लिम असल्याने मला ट्रोल करतात : शमी

मुंबई (प्रतिनिधी) : भारतीय संघातील अनुभवी वेगवान गोलंदाज मोहम्मद शमीने अगामी आशिया चषकासाठी निवड न झाल्याबद्दल

पीव्ही सिंधू बॅडमिंटन वर्ल्ड चॅम्पियनशिपच्या क्वार्टर फायनलमध्ये

पॅरिस : दुहेरी ऑलिंपिक पदक विजेती पीव्ही सिंधूने बीडब्ल्यूएफ बॅडमिंटन वर्ल्ड चॅम्पियनशिपच्या क्वार्टर

बंगळुरु चेंगराचेंगरीच्या दुर्घटनेच्या तीन महिन्यानंतर आरसीबीची भावुक पोस्ट

नवी दिल्ली :  आयपीएल २०२५ चॅम्पियन रॉयल चॅलेंजर्स बंगळुरू अखेर सोशल मीडियावर परतले आहे. त्यांनी बंगळुरूमधील