गुरुग्राम:भारतातील बड्या ग्राहक इलेक्ट्रॉनिक्स ब्रँड असलेल्या सॅमसंगने आज त्यांच्या गॅलेक्सी एम्पॉवर्डच्या मुंबई अध्यायाचा शुभारंभ केला आहे.लाँच दरम्यान कंपनीने म्हटले आहे की,' हा एक असाच एक समुदायनेतृत्वाचा कार्यक्रम आहे ज्याचा उद्देश शिक्षक, मुख्याध्यापक आणि शाळा प्रशासकांना अत्याधुनिक डिजिटल साधने आणि आधुनिक अध्यापनशास्त्राद्वारे कौशल्य वाढवून वर्गखोल्यांमध्ये परिवर्तन घडवून आणणे आहे.' नवी दिल्लीमध्ये कंपनीच्या यशस्वी अंमलबजावणीनंतर गॅलेक्सी एम्पॉवर्ड कार्यक्रम मुंबईत घेण्याचे कंपनीने ठरवले होते. सध्या मुंबईत झालेल्या या कार्यक्रमात २५० हून अधिक शाळांपर्यंत पोहोचला आणि २७०० हून अधिक शिक्षकांना प्रमाणित केले असल्याचा दावा कंपनीने केला आहे.गॅलेक्सी एम्पॉवर्ड आता देशाच्या शिक्षण परिसंस्थेवर (Ecosyste m) कायमस्वरूपी प्रभाव निर्माण करण्याच्या महत्त्वाकांक्षेसह मुंबई - भारताच्या आर्थिक आणि शैक्षणिक केंद्रात - आपला विस्तार करत आहे. मुंबई लाँच कार्यक्रमात महाराष्ट्र आणि शेजारील राज्यांमधील २५० शाळांमधील ३५० हून अधिक शिक्षक आणि शाळा प्रमुखांना एकत्र आणण्यात आले, ज्यामुळे कार्यक्रमाची गती आणि शिक्षकांमध्ये व्यावसायिक विकासाची तीव्र मागणी अधोरेखित झाली. या कार्यक्रमाला महाराष्ट्राचे कौशल्य विकास, उद्योजकता आणि नवोन्मेष मंत्री मंगल प्रभात लोढा, युनेस्को, पॅरिसमधील भार ताचे राजदूत आणि स्थायी प्रतिनिधी विशाल व्ही. शर्मा आणि सीबीएसईचे सचिव हिमांशू गुप्ता, सॅमसंग इंडियाचे वरिष्ठ नेते, शिक्षण तज्ञ आणि सीबीएसई, आयसीएसई, आयबी, आयजीसीएसई आणि राज्य मंडळांचे प्रतिनिधित्व करणारे शेकडो शिक्षक उपस्थित होते.
'भारतीय शिक्षणात मुंबई शहर नवोन्मेषाच्या (spirit of Innovation) भावनेचे प्रतिनिधित्व करते असे सडसशश गॅलेक्सी एम्पॉवर्डसह, आम्ही शिक्षकांना विद्यार्थ्यांना सहभागी करून घेण्यासाठी, कुतूहलाला प्रेरित करण्यासाठी आणि देशभरातील वर्गखोल्यांमध्ये अर्थपूर्ण बदल घडवून आणण्यासाठी आवश्यक असलेल्या साधनांनी सुसज्ज करत आहोत. २०२५ पर्यंत २०००० शिक्षकांना सक्षम करण्याचे आमचे ध्येय आहे - आणि मुंबई त्या प्रवासात एक महत्त्वाचा टप्पा आहे, असे सॅमसंग इंडियाच्या एमएक्स बिझनेसचे वरिष्ठ उपाध्यक्ष राजू पुलन म्हणाले आहेत.
'भारत पूर्वीपेक्षा जास्त वेगाने पुढे जात आहे आणि सॅमसंग गॅलेक्सी एम्पॉवर्डसारखे उपक्रम कुशल, भविष्यासाठी तयार राष्ट्र घडवण्याच्या आमच्या सामायिक वचनबद्धतेचे प्रतिबिंबित करतात. जर प्रत्येक व्यक्तीने आपले सर्वोत्तम दिले तर भारताला विश्वगुरु होण्या पासून कोणीही रोखू शकत नाही. आज सॅमसंग जे करत आहे ते आपण ज्या जीवनशैलीची निर्मिती करू इच्छितो त्याची दिशा ठरवते. शिक्षकांना सशक्तीकरण करून, आपण एकत्रितपणे समाजाचे भविष्य घडवू आणि भारत नवीन उंचीवर जाईल,' असे महाराष्ट्रा चे कौशल्य विकास, उद्योजकता आणि नवोन्मेष मंत्री मंगल प्रभात लोढा म्हणाले.
वर्गांमध्ये परिवर्तन घडवून आणण्यासाठी आणि विद्यार्थ्यांना भविष्यासाठी तयार करण्यासाठी आपल्या शिक्षकांना सक्षम करणे अत्यंत महत्त्वाचे आहे. सॅमसंगचा 'गॅलेक्सी एम्पॉवर्ड' उपक्रम हा एक समयोचित प्रयत्न आहे जो भारताच्या समावेशक, समतापूर्ण आणि दर्जेदार शिक्षणाच्या वचनबद्धतेला पाठिंबा देतो तसेच शिक्षण २०३० अंतर्गत युनेस्कोच्या एसडीजी४ जागतिक उद्दिष्टांशी सुसंगत आहे. १.५ दशलक्ष शाळा, ४२,००० महाविद्यालये, सुमारे ११०० विद्यापीठे आणि १ कोटी शिक्षकांसह, भारत लोकशाही जगातील सर्वा त मोठा शैक्षणिक परिसंस्था आहे. एनईपी हे शिक्षण क्षेत्रातील सर्वात मोठे धोरणात्मक परिवर्तन आहे. शिक्षकांना डिजिटल साधने, समवयस्क शिक्षण समुदाय आणि भविष्यासाठी तयार प्रशिक्षण देऊन, हा कार्यक्रम एनईपीशी सुसंगत आहे आणि एक लवचिक आ णि भविष्यासाठी विचार करणारी शिक्षण प्रणाली तयार करण्यात भारताच्या नेतृत्वाला बळकटी देतो. शिक्षण समुदायात गुंतवणूक केल्याबद्दल आणि शैक्षणिक परिवर्तनाच्या या महत्त्वाच्या प्रवासात योगदान दिल्याबद्दल आम्ही सॅमसंगचे कौतुक करतो' असे युने स्को, पॅरिसमधील भारताचे राजदूत आणि स्थायी प्रतिनिधी विशाल व्ही. शर्मा म्हणाले.
गॅलेक्सी एम्पॉवर्डची रचना -
१. एआय आणि तंत्रज्ञान अपस्किलिंग - लवचिक ऑनलाइन मॉड्यूल्स, इमर्सिव्ह बूटकॅम्प आणि डिजिटल शिक्षण साधने, वर्ग अँप आणि व्हर्च्युअल वातावरणाद्वारे प्रत्यक्ष प्रशिक्षण.
२. अनुभवात्मक शिक्षण आणि प्रमाणपत्र - प्रत्यक्ष कार्यशाळा, मार्गदर्शन आणि प्रमाणपत्र समर्थन जे धडे डिझाइन, अध्यापन नवोपक्रम आणि शिक्षक कल्याण यावर केंद्रित
३. पीअर नेटवर्किंग आणि समुदाय बांधणी - शिक्षकांना विचारांची देवाणघेवाण करण्यासाठी आणि दीर्घकालीन व्यावसायिक वाढीसाठी समवयस्क, विचारवंत नेते आणि सॅमसंग मार्गदर्शकांच्या राष्ट्रीय नेटवर्कमध्ये प्रवेश
याविषयी बोलताना,'गॅलेक्सी एम्पॉवर्डद्वारे, आम्ही शिक्षकांना त्यांच्या धड्यांमध्ये एआय आणि तंत्रज्ञानाचा अखंडपणे समावेश करण्यास, सहभाग वाढविण्यास आणि उद्यासाठी तयार वर्गखोल्या तयार करण्यास मदत करत आहोत. हे केवळ प्रशिक्षण नाही ही एक चळवळ आहे.' असे सॅमसंग इंडियाचे एमएक्स बिझनेसचे उपाध्यक्ष आदित्य बब्बर म्हणाले आहेत.