क्रोल (Kroll) या जागतिक संस्थेने आपला 'सेलिब्रिटी ब्रँड व्हॅल्युएशन रिपोर्ट २०२५' जाहीर केला आहे. या अहवालानुसार भारतातील आघाडीच्या २५ सेलिब्रिटींच्या ब्रँडची एकूण किंमत २ अब्ज अमेरिकन डॉलर्स इतकी नोंदवली गेली आहे, जी गेल्या वर्षाच्या तुलनेत ३.७ टक्क्यांनी कमी आहे. या यादीत १३ पुरुष आणि १२ महिला सेलिब्रिटींचा समावेश असून, त्यांच्या ब्रँड एंडोर्समेंट्स आणि सोशल मीडियावरील प्रभावाच्या आधारे हे मूल्यांकन करण्यात आले आहे.
शाहरुख खान अव्वल स्थानी:
[caption id="attachment_1048955" align="aligncenter" width="337"]
Shah Rukh khan[/caption]यंदा बॉलीवूडचा 'किंग' शाहरुख खानने मोठी झेप घेत पहिला क्रमांक पटकावला आहे. २०२४ च्या अहवालात तिसऱ्या स्थानावर असलेला शाहरुख खान आता भारतातील नंबर-१ ब्रँड बनला आहे. त्याच्या आगामी 'किंग' या चित्रपटामुळे सध्या तो प्रचंड चर्चेत आहे.
रणवीर सिंह दुसऱ्या स्थानावर :
[caption id="attachment_1048956" align="aligncenter" width="404"]
Ranveer Singh[/caption]या अहवालातील सर्वात लक्षवेधी बाब म्हणजे अभिनेता रणवीर सिंहने स्टार क्रिकेटपटू विराट कोहलीला मागे टाकले आहे. रणवीर सिंहने १६२.९ दशलक्ष अमेरिकन डॉलर्सच्या ब्रँड व्हॅल्यूसह आपले दुसरे स्थान मजबूत केले आहे. 'धुरंधर' फ्रँचायझीच्या आणि 'धुरंधर: द रिव्हेंज'च्या १००० कोटींच्या ऐतिहासिक यशानंतर रणवीरची ब्रँड व्हॅल्यू आणि डिजिटल प्रभाव मोठ्या प्रमाणावर वाढला आहे.
विराट कोहली तिसऱ्या क्रमांकावर :
[caption id="attachment_1048959" align="aligncenter" width="401"]
Virat Kohli[/caption]गेल्या वर्षी अव्वल स्थानी असलेला विराट कोहली यंदा १५८.४ दशलक्ष अमेरिकन डॉलर्सच्या ब्रँड व्हॅल्यूसह तिसऱ्या स्थानावर घसरला आहे. रणवीर सिंहच्या १६२.९ दशलक्ष डॉलर्सच्या तुलनेत विराटची ब्रँड व्हॅल्यू कमी राहिल्याने रणवीरने त्याच्यावर मात केली आहे.
चित्रपटसृष्टीचा दबदबा :
पहिल्या दोन स्थानांवर अनुक्रमे शाहरुख खान आणि रणवीर सिंह असल्याने, भारतीय मनोरंजन विश्वातील या दोन सुपरस्टार्सचा केवळ बॉक्स ऑफिसवरच नाही तर ब्रँड मार्केटमध्येही प्रचंड दबदबा असल्याचे या अहवालावरून पुन्हा एकदा स्पष्ट झाले आहे.