Pune News : लोणावळ्यात तरुणींची रस्त्यावर 'फ्री-स्टाईल' कुस्ती! सोशल मीडियावर व्हिडिओ व्हायरल

  141

लोणावळा : सहसा निसर्गसौंदर्य, धबधबे आणि हिरवाईसाठी ओळखली जाणारी पर्यटननगरी लोणावळा रविवारी अक्षरशः रिंगणात बदलली. दारूच्या नशेत काही पर्यटक तरुणींची रस्त्यावरच धुमशान माजवतानाचा थरारक प्रकार समोर आला. जुना पुणे-मुंबई महामार्गावरील ए-१ चिक्की दुकानाजवळ या तरुणी थेट रस्त्यावर उतरल्या आणि एकमेकींवर तुटून पडल्या. केस ओढणे, चापटा-बुक्क्यांचा वर्षाव, अक्षरशः फ्री-स्टाईल कुस्ती पाहायला मिळाली. हा तमाशा पाहण्यासाठी क्षणातच प्रचंड गर्दी जमली. जमलेल्या लोकांनी मोबाईल कॅमेऱ्यात हा सगळा प्रकार कैद केला. काही मिनिटांतच व्हिडीओ सोशल मीडियावर तुफान व्हायरल झाला. दरम्यान, या हाणामारीमुळे महामार्गावरील वाहतूक ठप्प झाली आणि पर्यटकांना अडचणीतून प्रवास करावा लागला. लोणावळ्याच्या शांत वातावरणाला धक्का बसला असून, पर्यटक तरुणींच्या या बेताल वागण्याची जोरदार चर्चा सुरू आहे.





नेमकं काय घडलं?


रविवारच्या दुपारी पर्यटननगरी लोणावळा अक्षरशः रणांगणासारखी दिसत होती. परिसरात गाड्यांचे कर्कश हॉर्न, तरुणींचा आरडाओरडा आणि जमलेल्या गर्दीचे जल्लोषी आरोळ्या यामुळे वातावरण गोंधळून गेले होते. जुना पुणे-मुंबई महामार्गावरील ए-१ चिक्की दुकानाजवळ नशेत असलेल्या काही पर्यटक तरुणींनी रस्त्यावरच हाणामारीला सुरुवात केली. दोघींचे एकमेकींचे केस धरून ओढणे, चापटाबुक्क्यांचा वर्षाव आणि अश्लील शिवीगाळ यामुळे उपस्थितांना धक्का बसला. गोंधळ वाढत चालल्याने लोणावळा वाहतूक पोलिसांनी घटनास्थळी धाव घेतली. मात्र, या बेताल तरुणी थांबत नव्हत्या. उलट त्यांचा वाद थेट पोलिस चौकीपर्यंत पोहोचला. शेवटी महिला पोलिसांनी मध्यस्थी करत सर्व तरुणींना ताब्यात घेतलं. सध्या लोणावळा पोलीस त्यांची कसून चौकशी करत आहेत. नेमकं कोणत्या कारणावरून एवढा रगेल प्रकार घडला, याचा तपास सुरू आहे. दरम्यान, या संपूर्ण घटनेचा व्हिडीओ सोशल मीडियावर झपाट्याने व्हायरल झाला असून, पर्यटक आणि स्थानिकांमध्ये यावर चांगलीच चर्चा रंगली आहे.

Comments
Add Comment

पुरामुळे पिकं झाले उद्ध्वस्त, वृद्ध शेतकऱ्याचा आत्महत्येचा प्रयत्न, हृदयद्रावक Video Viral

लातूर: महाराष्ट्रातील लातूरमध्ये मुसळधार पाऊस आणि पुरामुळे शेत पिकांचे अतोनात नुकसान झाले आहे. कापणीला आलेली

"सरकारला प्रश्न सोडवायचा आहे, मात्र..." मराठा आरक्षणाच्या प्रश्नाबाबत विखे पाटील यांनी केलं स्पष्ट

मुंबई: जरांगे पाटील यांच्या उपोषणावर मार्ग काढण्यासाठी तसेच त्यांनी दिलेल्या प्रस्तावावर चर्चा करण्यासाठी

'गोकुळ'ने दूध खरेदी किंमत आणि छोट्या डेअरींसाठीच्या अनुदानात केली वाढ

कोल्हापूर: गोकुळ डेअरी किंवा गोकुळ म्हणून प्रसिद्ध असलेल्या कोल्हापूर जिल्हा सहकारी दूध उत्पादक संघ लिमिटेडने

हरिहर किल्ल्यावर ट्रेकिंगसाठी गेलेल्या पर्यटकाचा दरीत कोसळून मृत्यू

इगतपुरी: जिल्ह्यातील हरिहर येथे ट्रेकिंगसाठी आलेल्या भंडारा जिल्ह्यातील पर्यटकांचा परत उतरताना पडून मृत्यू

वाल्मिक कराडचा जामीन अर्ज फेटाळला

बीड (प्रतिनिधी): जिल्ह्यातील मस्साजोगचे सरपंच संतोष देशमुख यांच्या हत्या प्रकरणात मुख्य आरोपी असलेल्या वाल्मिक

मुंबईत ४ सप्टेंबरपर्यंत आंदोलन करण्याचे जरांगेंचे संकेत!

आंदोलनासाठी एक दिवसाच्या मुदतवाढीनंतर जरांगेची प्रतिक्रिया मुंबई:  मराठा आंदोलक मनोज जरांगे पाटील (Manoj Jarange Patil )