SBI Report मधील महत्वाची माहिती समोर
प्रतिनिधी: ऑक्टोबर महिन्यात रेपो दर कपातीची शक्यता मावाळली आहे. एसबीआय (State Bank of India SBI) च्या नव्या अहवालानुसार,ऑक्टोबर महिन्यात दरकपातीला आरबीआय लगाम लावेल अशी शक्यता आहे. रिपोर्टमध्ये नक्की म्हटल गेलं आहे की,'ऑगस्ट महिन्यात महागाईची आकडेवारी २% पर्यंत जाऊ शकते जी २.३% पातळीच्या जवळ आहे. जरी पहिल्या व दुसऱ्या तिमाहीतील आकडेवारी आपण पाहिली तरी डिसेंबर महिन्यातही दर कपातीची शक्यता नाही ' असे अहवालात नमूद केली आहे.
जुलै महिन्यात किरकोळ महागाईत (Consumer Price Index) मध्ये मोठी घसरण झाली आहे. ९८ महिन्यातील सर्वाधिक कमी पातळी किरकोळ हेडलाईन इन्फ्लेशन (महागाईने) गाठली आहे.जून महिन्यातील २.१०% तुलनेत जुलै महिन्यात १.५५% पातळीवर किरकोळ महागाई गेली आहे. अन्न महागाई निर्देशांकात ७८ महिन्यातील सर्वाधिक घसरण झाली आहे. जुलै महिन्यात अन्न महागाईत (Food Inflation) मध्ये जून महिन्यातील ७५ बेसिस पूर्णांकाने महागाई जुलै महिन्यात घसरली. २०१९ जानेवारी (२.२४%) नंत र सर्वाधिक घसरण जुलै महिन्यात (१.७६%) झाली आहे.
कोर महागाई (Core Inflation) मध्ये मध्ये मोठी घसरण झाली आहे. आधीच्या ४% कोर इन्फेक्शन (Inflation) मध्ये सहा महिन्यांत ३.९४% वर घसरण झाली आहे. आकडेवारीनुसार, सोन्याच्या महागाईत (Gold Inflation) मध्ये जुलै २०२५ महिन्यात तब्बल १०० बेसिस पूर्णांकाने घसरण झाल्याने महागाई २.९६% वर पोहोचली आहे. नुकत्याच झालेल्या वित्तीय पतधोरण समिती निकालानुसार यावेळी जुलै महिन्यात दरकपात झालेली नाही. रेपो दर ५.५०% वर जैसे थे ठेवण्यात आला आहे. यापूर्वी जून महिन्यात रेपो द रात ६.००% वरून ५० बेसिस पूर्णांकाने कपात करत ५.५०% वर रेपो दर आरबीआयने घोषित केला होता त्यामुळे त्या कालावधीत बाजारातील चलनी तरलता वाढली होती. ज्याचा फायदाही महागाई नियंत्रणात आणण्यासाठी झाला होता.
अहवालातील निरीक्षणानुसार, बाँड यिल्ड (Bond Yields) मधील उत्पन्नही सर्वसाधारण असू शकते. जागतिक टॅरिफ संकटामुळे व भूराजकीय कारणांमुळे ही वाढ मर्यादित राहू शकते.