गणेशोत्सवासाठी मुंबई महानगर क्षेत्रातून सुटणाऱ्या जादा एसटी बससाठीही वेगानं होतंय आरक्षण

  40

मुंबई : यंदा २७ ऑगस्ट पासून गणेशोत्सवाला सुरुवात होत आहे. गणेशोत्सवासाठी मुंबई महानगर क्षेत्रातून कोकणात जाणाऱ्या संख्या मोठी आहे. गणेशभक्तांच्या सोयीसाठी एसटी महामंडळाने मुंबई महानगर क्षेत्रातून नियमित गाड्यांव्यतिरिक्त मोठ्या संख्येने जादा गाड्यांचीही व्यवस्था केली आहे. यापैकी ५० टक्के गाड्यांचे आरक्षण आतापर्यंत झाले आहे. गणेशोत्सवापर्यंत सर्व गाड्यांचे आरक्षण पूर्ण होईल, असा विश्वास एसटी महामंडळाने व्यक्त केला आहे.

नियमित एसटी स्थानकांतील गर्दी टाळण्यासाठी गणेशोत्सवाच्या काळासाठी एसटी महामंडळाने मुंबई महानगर क्षेत्रात तात्पुरते ४० बस थांबे निश्चित केले आहेत. प्रवाशांच्या मागणीनुसार बसथांब्यावरून कोकणात जादा गाड्या पाठवण्याचे नियोजन आहे. मुंबई महानगर क्षेत्रातून कोकणासाठी २३ ऑगस्ट ते ७ सप्टेंबरदरम्यान पाच हजार जादा गाड्या सोडण्याची घोषणा महामंडळाने केली आहे. महिला, ज्येष्ठ नागरिकांना विशेष गाड्यांमध्ये सवलत आहे. पण नियमित गाड्यांच्या आरक्षणावर १५ टक्के सवलत जादा गाड्यांसाठी लागू करण्यात आलेली नाही. जादा गाड्यांपैकी १,५४७ गाड्यांचे सामूहिक आणि ५३३ गाड्यांचे वैयक्तिक आरक्षण पूर्ण झाले आहे. सध्या १०६ गाड्यांचे आरक्षण सुरू आहे. प्रवाशांच्या मागणीनुसार ऑनलाईन आणि ऑफलाईन दोन्ही पद्धतीने जादा गाड्या आरक्षणासाठी उपलब्ध आहेत.

गणेशोत्सवासाठी मुंबई महानगर क्षेत्रातील कोणकोणत्या थांब्यांवरुन सुटणार बस ?

मुंबई सेंट्रल - साईबाबा, काळाचौकी, गिरगाव, कफ परेड, काळबादेवी, महालक्ष्मी
परळ - सेनापती बापट मार्ग दादर, मांगल्य हॉल (जोगेश्वरी)
कुर्ला नेहरूनगर - बर्वेनगर, सर्वोदय, टागोरनगर, घाटला, डी.एन. नगर, गुंदवली, आनंदनगर, शास्त्रीनगर, पार्ले, खेरनगर, वांद्रे, शीव
ठाणे - लोकमान्यनगर, श्रीनगर, विटावा, भाईंदर, नॅन्सी कॉलनी, मालाड, डहाणूकरवाडी / चारकोप, महंतचौक, संकल्प सिद्धी गणेश, भांडुप (पश्चिम आणि पूर्व), मुलुंड
विठ्ठलवाडी - बदलापूर, अंबरनाथ
कल्याण - डोंबिवली
नालासोपारा - नालासोपारा आगार
पनवेल - पनवेल आगार
उरण - उरण आगार
वसई - वसई आगार
अर्नाळा - अर्नाळा आगार
Comments
Add Comment

लालबागच्या राजाचे VIP दर्शन वादाच्या भोवऱ्यात! जनसामान्यांवर अन्याय होत असल्याचा आरोप

मुंबई: संपूर्ण राज्यात गणेशोत्सवाची धामधूम सुरू असून, राज्यभरातून अनेक लोकं या दिवसात मुंबईत लालबागच्या

आता आणखी किती दिवस?' ऋषभ पंतने सोशल मीडियावर शेअर केली ही पोस्ट

मुंबई : भारतीय क्रिकेट संघाचा स्टार विकेटकीपर फलंदाज ऋषभ पंतने आपल्या दुखापतीबद्दल एक मोठी अपडेट दिली आहे.

केंद्रीय मंत्री जे. पी. नड्डा लालबाग राजाच्या दर्शनाला : देशाच्या प्रगतीसाठी केली प्रार्थना

मुंबई : केंद्रीय मंत्री जे. पी. नड्डा यांनी रविवारी मुंबईतल्या गणेश मंडळांना भेट दिली . मुख्यमंत्री देवेंद्र

जरांगे आरक्षण मिळेपर्यंत पाणी पण बंद करणार

मुंबई : ओबीसी कोट्यातून सरसकट मराठा समाजाला आरक्षण मिळावे अशी मागणी करत मनोज जरांगेंच्या नेतृत्वात त्यांचे

मराठा आरक्षणसाठी युवकाची आत्महत्या

मुंबई : मराठा आरक्षणासाठी मुंबईतील आझाद मैदानात मनोज जरांगेंनी बेमुदत उपोषण सुरू केले आहे. तर त्यांच्यासोबत

गेटवे-मांडवा फेरीबोटीला हवामानाचा अडथळा

प्रवाशांना जलवाहतुकीची प्रतीक्षा मुंबई : सध्या सर्वत्र मुसळधार पाऊस पडत आहे. समुद्रातील लाटांचीही उंची कमी