जगप्रसिद्ध क्रिकेटपटू ख्रिस गेलच्या उपस्थितीत प्रो-गोविंदा चषकाचे अनावरण

भाईंदर : गोविंदांना हक्काचे व्यासपीठ मिळवून देणाऱ्या प्रो-गोविंदा लीगच्या तिसऱ्या पर्वाचा शुभारंभ या वर्षीच्या चषकाचे अनावरण मीरा रोड येथे आंतरराष्ट्रीय क्रिकेटपटू आणि प्रो-गोविंदा तिसऱ्या पर्वाचे ब्रँड ॲम्बेसेडर ख्रिस गेल, महाराष्ट्राचे परिवहन मंत्री प्रताप सरनाईक, प्रो-गोविंदा लीगचे अध्यक्ष पुर्वेश सरनाईक तसेच बार्सिलोनाच्या विला फ्रांका येथील विश्वविक्रम विजेत्या मानवी मनोरा संघाचे आंतरराष्ट्रीय पाहुणे यांच्या उपस्थित करण्यात आले.


प्रो-गोविंदा लीगचे तिसऱ्या पर्वाबाबत माहिती देण्यासाठी मीरा रोड येथे आयोजिलेल्या पत्रकार परिषदेत पुर्वेश सरनाईक यांनी सांगितले की, ''७, ८ आणि ९ ऑगस्ट २०२५ रोजी वरळी येथील प्रतिष्ठित डोम, एसव्हीपी स्टेडियममध्ये तिसऱ्या पर्वाची अंतिम फेरी आयोजित केली आहे. यात १६ व्यावसायिक संघ, ३२०० हून अधिक गोविंदा आपले कौशल्य, सामर्थ्याचे प्रदर्शन करतील.


सीझन ३ मध्ये एकूण दीड कोटींची बक्षीसे ठेवण्यात आली असून प्रथम पारितोषिक ७५ लाख रुपये, द्वितीय पारितोषिक ५० लाख रुपये, तृतीय पारितोषिक २५ लाख रुपये आहे. प्रत्येक सहभागी प्रत्येकी संघांना ३ लाख रुपये पारितोषिक दिले जाणार आहेत.


यावेळी आंतरराष्ट्रीय क्रिकेटपटू ख्रिस गेल म्हणाले, ‘प्रो-गोविंदा लीगचा ब्रँड ॲम्बेसेडर म्हणून जोडले जाणे माझ्यासाठी मोठा सन्मान आहे. मी जगभरात विविध खेळ पाहिले. पण गोविंदांमधील ऊर्जा, समन्वय आणि सांस्कृतिक अभिमान अतुलनीय आहे.


प्रो-गोविंदा लीग केवळ परंपरेचा उत्सव नाही, तर हा एक अनोखा क्रीडा प्रकार आहे, ज्यामध्ये जागतिक स्तरावर लोकांना आकर्षित करण्याची प्रचंड क्षमता आहे. यात शारीरिक ताकद, सांघिक कौशल्य आणि परंपरेचा मिलाफ पाहायला मिळतो. या प्रवासाचा एक भाग होताना मला खूप आनंद होत आहे. स्पर्धेच्या अंतिम फेरीची आतुरतेने वाट पाहत आहे.’ असे गेल म्हणाला.


महाराष्ट्राचे परिवहन मंत्री आणि प्रो-गोविंदा लीगचे अध्यक्ष प्रताप सरनाईक यांच्या नेतृत्वाखाली, या लीगने पारंपरिक दहीहंडी उत्सवाला व्यावसायिक साहसी खेळ म्हणून एक नवी ओळख दिली आहे. महाराष्ट्र शासनाने याला अधिकृत मान्यता दिली आहे. यानंतर तरुण गोविंदांनी सादर केलेल्या सात थरांच्या मानवी मनोऱ्याची प्रात्यक्षिके करण्यात आली.

Comments
Add Comment

Money : आता वर्षाला २.५ लाखांपर्यंत होणार तुमची बचत...

मुंबई : घटस्थापनेच्या मुहूर्तावर केंद्र सरकारने आजपासून नवीन जीएसटी दर लागू केले. या महत्वपूर्ण निर्णयामुळे

माथेरानला फिरायला जाण्याचा विचार करताय तर आधी हे वाचा...

रायगड : नेरळ ग्रामपंचायतीने माथेरानकडे येणाऱ्या पर्यटकांकडून ‘स्वच्छता कर’ आकारण्याचा निर्णय घेतला असून,

महिला क्रिकेट विश्वचषक २०२५ : मुंबईमध्ये ट्रॉफी टूरने वाढवला उत्साह

मुंबई : आयसीसी महिला क्रिकेट विश्वचषक 2025 ची ट्रॉफी टूर 'डीपी वर्ल्ड' च्या सहकार्याने मुंबईत पोहोचली आणि शहराच्या

तुम्ही उसेन बोल्टचे चाहते असाल तर तुमच्यासाठी आहे ही गुडन्यूज...

मुंबई : फास्टेस्ट मॅन ऑन अर्थ अशी ओळख असणारा जमैकाचा दिग्गज धावपटू उसेन बोल्ट १ ऑक्टोबर रोजी प्रदर्शनीय फुटबॉल

मराठवाड्यातील अतिवृष्टीचा उपमुख्यमंत्री एकनाथ शिंदे यांनी घेतला आढावा

मराठवाड्यातील प्रत्येक जिल्हाधिकाऱ्यांशी फोनवरून साधला संवाद राज्य आपत्ती व्यवस्थापन दलाला तातडीने मदत

२६ ते २८ सप्टेंबर दरम्यान राज्यात पावसात वाढ होण्याची शक्यता

शेतकऱ्यांनी काढणी केलेली पिके सुरक्षित ठेवावीत मुंबई : २४ सप्टेंबरला बंगालच्या उपसागरावर एक कमी दाबाचा पट्टा