प्रांजल खेवलकरांच्या मोबाईलमध्ये महिलांचे नग्न फोटो, महिला आयोगाचा धक्कादायक खुलासा

  180

पुणे : पुणे पोलिसांनी एका रेव्ह पार्टीवर छापा टाकून राष्ट्रवादी काँग्रेस (शरदचंद्र पवार) पक्षाचे नेते एकनाथ खडसे यांचे जावई प्रांजल खेवलकर यांना अटक केल्याने खळबळ उडाली होती. या प्रकरणात आता राज्य महिला आयोगाच्या अध्यक्षा रुपाली चाकणकर यांनी धक्कादायक खुलासे केले आहेत. चाकणकर यांच्या मते, हे केवळ ड्रग्ज पार्टीचे प्रकरण नसून, यामागे महिलांचे शोषण आणि मानवी तस्करीचे मोठे रॅकेट सक्रिय असण्याची शक्यता आहे.


चाकणकर यांनी पत्रकार परिषदेत सांगितले की, पुणे पोलिसांनी जप्त केलेल्या प्रांजल खेवलकर यांच्या मोबाइल फोनमध्ये अनेक गंभीर पुरावे सापडले आहेत. यात महिलांसोबत केलेले आक्षेपार्ह चॅट्स, तसेच १,७४९ हून अधिक नग्न फोटो आणि व्हिडिओ आहेत. त्यांनी आरोप केला की, खेवलकर आणि त्यांच्या मित्रांनी महिलांना चित्रपटात काम देण्याचे आमिष दाखवून लोणावळा आणि साकीनाका येथे बोलावले आणि अंमली पदार्थ देऊन त्यांचे लैंगिक शोषण केले. या व्हिडिओ आणि फोटोंचा वापर नंतर महिलांना ब्लॅकमेल करण्यासाठी केला जात होता, असेही चाकणकर यांनी म्हटले.



या प्रकरणात 'अरुष' नावाचा एक व्यक्ती मुली पुरवण्याचे काम करत होता. आर्थिक परिस्थिती बिकट असलेल्या मुलींना हे आरोपी लक्ष्य करत होते, असा दावा चाकणकर यांनी केला. पोलिसांनी खेवलकर यांच्या हडपसर येथील घरातून जप्त केलेल्या मोबाइलच्या हिडन फोल्डरमध्ये हे सर्व आक्षेपार्ह साहित्य सापडले आहे.


या गंभीर आरोपांच्या पार्श्वभूमीवर, चाकणकर यांनी पुणे पोलिसांकडे खेवलकर यांच्या मोबाइलमधील आर्थिक व्यवहार आणि मेलची सखोल चौकशी करण्याची मागणी केली आहे. तसेच, हे एक मोठे रॅकेट असल्याने या प्रकरणाची एसआयटी (विशेष तपास पथक) मार्फत चौकशी करण्यात यावी, अशी मागणीही त्यांनी केली आहे. ज्या महिलांचे शोषण झाले आहे, त्यांनी निर्भयपणे पुढे येऊन तक्रार करावी, त्यांचे नाव गोपनीय ठेवले जाईल, असे आवाहनही त्यांनी केले.


रेव्ह पार्टीतून पोलिसांनी एकूण ४१ लाख ३५ हजार रुपयांचे कोकेन, गांजा आणि इतर अंमली पदार्थ जप्त केले होते. या प्रकरणात खेवलकर यांच्यासह निखिल पोपटाणी, समीर सय्यद, सचिन भोबे, श्रीपाद यादव आणि इतर दोन महिलांना ताब्यात घेण्यात आले होते. आता या प्रकरणाला महिला शोषण आणि मानवी तस्करीचे गंभीर स्वरूप मिळाल्याने या प्रकरणाची पुढील चौकशी अधिक संवेदनशील पद्धतीने होण्याची शक्यता आहे.

Comments
Add Comment

मुंबईत ४ सप्टेंबरपर्यंत आंदोलन करण्याचे जरांगेंचे संकेत!

आंदोलनासाठी एक दिवसाच्या मुदतवाढीनंतर जरांगेची प्रतिक्रिया मुंबई:  मराठा आंदोलक मनोज जरांगे पाटील (Manoj Jarange Patil )

Ajit Pawar Onion Issue: अजित पवारांवर कांद्याची माळ फेकण्याचा प्रयत्न, 'कांदा' प्रश्नावर संभाजी ब्रिगेड आक्रमक

अहिल्यानगर: आज श्रीगोंदा (ahilyanagar) येथे उपमुख्यमंत्री अजित पवारांच्या (Ajit pawar) दिशेने कांद्याची माळ फेकण्याचा प्रयत्न

शिवसेना आमदार अमोल खताळ यांच्यावर हल्ला

संगमनेर : संगमनेर विधानसभेचे शिवसेनेचे आमदार अमोल खताळ यांच्यावर हल्ला झाल्याची घटना गुरुवारी संध्याकाळी ७.४०

विरार दुर्घटना : मृतांच्या कुटुंबियांना ५ लाखांची मदत जाहीर

मुंबई : विरार भागात एक इमारत कोसळून झालेल्या दुर्घटनेत आतापर्यंत 17 जणांचा मृत्यू झालेला आहे, याबद्दल मुख्यमंत्री

Dagdusheth Halwai Ganpati Atharvashirsha : दगडूशेठ गणपतीसमोर ३५ हजार महिलांचे एकत्रित अथर्वशीर्ष पठण; खासदार सुनेत्रा पवारांचीदेखील खास उपस्थिती

पुणे : गणेशोत्सवाच्या दुसऱ्या दिवसाची सुरुवात पुण्यात भक्तिभाव आणि मंत्रोच्चारांच्या गजरात झाली. शहरातील

गडचिरोली जिल्ह्यात चकमक, एवढे जहाल नक्षलवादी ठार

गडचिरोली : महाराष्ट्रातील गडचिरोली जिल्ह्यात सुरक्षा पथक आणि नक्षलवादी यांच्यात चकमक झाली. या चकमकीत चार जहाल