मुंबई (प्रतिनिधी) : इंडियन रेल्वे केटरिंग अँड टुरिझम कॉर्पोरेशन लिमिटेड ही भारत सरकारच्या रेल्वे मंत्रालयाच्या अंतर्गत 'नवरत्न' सूचीबद्ध कंपनी आहे. हे ऑनलाइन रेल्वे तिकीट बुकिंग, खानपान, पर्यटन, रेल्वे प्रवास आणि आदरातिथ्य सेवांसह विविध सेवा प्रदान करते. आयआरसीटीसीचा उद्देश भारतभर प्रवास अधिक सोयीस्कर, आनंददायक आणि त्रासमुक्त करणे हा आहे. आयआरसीटीसीच्या पश्चिम विभाग मुंबई कार्यालयाने ०५ ऑगस्ट २०२५ रोजी मडगाव येथून भारत गौरव पर्यटक ट्रेनद्वारे 'अष्ट ज्योतिर्लिंग श्रावण विशेष यात्रा' सुरू करण्याची घोषणा केली. आयआरसीटीसीच्या भारत गौरव टूर पॅकेजेसद्वारे या श्रावणात प्रवाशांना संस्मरणीय सुट्टीचा अनुभव घेता येईल.
पश्चिम विभागाचे ग्रुप जनरल मॅनेजर गौरव झा म्हणाले की, हे पॅकेज सर्वांना भारतातील प्रमुख ज्योतिर्लिंग व इतर लोकप्रिय पर्यटन स्थळांना भेट देण्याचा एक अनुकूल आणि सोयीस्कर मार्ग प्रदान करते, जे खिशाला परवडणारे तर आहेच पण त्याच बरोबर आरामदायी रेल्वे प्रवासाची सुद्धा हमी देते. ०५ ऑगस्ट २०२५ रोजी मडगावहून सुरू होणाऱ्या टूर पॅकेजची किंमत प्रति व्यक्ती अंदाजे २३,८८०/- रुपये पासून सुरू होते. तसेच हे पॅकेज सुविधा, आराम आणि खिशाला परवडणारे असावे या उद्देश्याने डिझाईन केले आहे, ज्यामुळे प्रवाशांना श्रावणात भारतातील उत्कृष्ट आणि लोकप्रिय स्थळांना एक्सप्लोर करण्याची संधी मिळते. या पॅकेजेससाठी पर्यटकांमध्ये बरीच उत्सुकता निर्माण झाली आहे. पॅकेज ऑनलाईन होताच आयआरसीटीसीचे नियमित ग्राहक, आयआरसीटीसीच्या www.irctctourism.com या संकेत स्थळावरून ऑनलाइन बुकिंग करू शकतात.
भारत गौरव गाड्यांमध्ये स्लीपर (नॉन-एसी), एसी श्री टियर आणि एसी टू टियर कोचचे मिश्रण असते. या गाड्यांच्या बाहेरील भागात लोकप्रिय भारतीय स्मारके, शिल्पे, खुणा आणि नृत्य प्रकार इत्यादींचे प्रदर्शन केले जाते. गाडीची एकूण क्षमता सुमारे ६००-७०० प्रवासी घेऊन जाण्याची आहे. गाडीमध्ये पब्लिक अनाउंसमेंट, सीसीटीव्ही कॅमेरे आणि ताजे जेवण तयार करण्यासाठी सुसज्ज पेंट्री कार बसवण्यात आली आहे.