विधानभवनातील राड्याप्रकरणी जितेंद्र आव्हाडांविरोधात गुन्हा दाखल


मुंबई : महाराष्ट्राचे पावसाळी अधिवेशन सुरू आहे. या अधिवेशनात गुरुवारी राडा झाला. भाजपा आमदार गोपीचंद पडळकर आणि शरद पवार गटाच्या राष्ट्रवादीचे आमदार जितेंद्र आव्हाड यांच्या समर्थकांमध्ये हाणामारी झाली. या प्रकरणी पोलिसांनी आव्हाडांचे समर्थक नितीन देशमुख यांना ताब्यात घेतले. पोलिसांनी ताब्यात घेतलेल्या नितीनच्या सुटकेसाठी आव्हाडांनी दबाव टाकण्याचा प्रयत्न केला. पोलसांची गाड अडवली. जोपर्यंत देशमुख यांना सोडणार नाही, तोपर्यंत गाडीसमोरून हटणार नाही, अशी भूमिका त्यांनी घेतली होती. अखेर पोलिसांनी जितेंद्र आव्हाड यांना एका बाजूस केले आणि पुढील कायदेशीर कारवाई सुरू केली. आता पोलिसांनी आव्हाड यांच्यावर गुन्हा दाखल केला आहे.


मुंबईतील मरीन ड्राइव्ह पोलीस ठाण्यात आमदार जितेंद्र आव्हाड यांच्यावर सरकारी कामात अडथळा आणल्याप्रकरणी गुन्हा दाखल करण्यात आला आहे. दरम्यान विधानसभेचे अध्यक्ष राहुल नार्वेकर आणि विधान परिषदेचे सभापती राम शिंदे यांनी विधानभवनात घडलेल्या घटनेबाबत सविस्तर अहवाल मागवला आहे. अहवालाआधारे पुढील कारवाईबाबत विधानसभेचे अध्यक्ष राहुल नार्वेकर आणि विधान परिषदेचे सभापती राम शिंदे निर्देश देण्याची शक्यता आहे.


मागील काही दिवसांपासून भाजपा आमदार गोपीचंद पडळकर आणि शरद पवार गटाच्या राष्ट्रवादीचे आमदार जितेंद्र आव्हाड यांच्यात विधानभवनात वारंवार खडाखडी सुरू होती. दोन दिवसांपूर्वी आमदार पडळकर माध्यमांशी बोलत होते. त्यावेळी आमदार आव्हाड यांनी त्यांच्यावर शेरेबाजी केली. त्यामुळे वातावरण अधिकच तापले. गुरुवारी दोन्ही आमदारांचे कार्यकर्ते एकमेकांना भिडले. या घटनेनंतर विधानसभेचे अध्यक्ष राहुल नार्वेकर आणि विधान परिषदेचे सभापती राम शिंदे यांनी नाराजी व्यक्त केली. त्यांनी या प्रकरणात अहवाल मागवला आहे.


रोहित पवारांची पोलिसांनाच दमबाजी


पडळकर आणि आव्हाडांच्या समर्थकांमध्ये हाणामारी झाली. या प्रकरणात आव्हाड समर्थकाला पोलिसांनी ताब्यात घेतले. या समर्थकांच्या सुटकेसाठी आव्हाडांनी पोलिसांचे वाहन अडवून त्यांच्यावर दबाव टाकण्याचा प्रयत्न केला. पण पोलीस या दबावापुढे झुकत नसल्याचे बघून राष्ट्रवादी शरदचंद्र पवार पक्षाचे आमदार रोहित पवार यांनी या प्रकरणात हस्तक्षेप केला. त्यांनी पोलिसांनाच दमबाजी सुरू केली. आवाज खाली करा, असं म्हणत रोहित पवार यांनी पोलिसांना सुनावल्याचा व्हिडीओ आता व्हायरल होत आहे.


Comments
Add Comment

राष्ट्रीय स्वयंसेवक संघाचा विजयादशमी उत्सव, माजी राष्ट्रपतींची उपस्थिती

नागपूर : राष्ट्रीय स्वयंसेवक संघाला १०० वर्षे पूर्ण झाली. या निमित्ताने यंदा नागपूरमध्ये भव्य विजयादशमी

सेंट झेवियरमधील भूमिगत पाण्याच्या साठवण टाकीचे नियोजन फसले

मुंबई (सचिन धानजी) : मुंबईतील सर्वात मोठे पुरप्रवण क्षेत्र म्हणून ओळखल्या जात असलेल्या हिंदमाता सिनेमा

दुकाने, हॉटेल्ससह इतर आस्थापने २४ तास खुली राहणार!

मुंबई : राज्यभरातील दुकाने २४ तास खुली ठेवण्यास परवानगी असणार आहे. राज्यातील महायुती सरकारने हा निर्णय घेतला आहे.

कोस्टल रोड- मार्वे रोड जोडणाऱ्या मार्गावरील पुलांच्या बांधकामाला आता गती, मागवल्या तब्बल २२०० कोटी रुपयांच्या निविदा

मुंबई (खास प्रतिनिधी) : मुंबई सागरी किनारा रस्ता प्रकल्प अर्थात कोस्टल रोड मार्वे रोडशी जोडणारे नवीन मार्ग आणि

राज्यातील पूरपरिस्थितीमुळे १० टक्के एसटी भाडेवाढीचा निर्णय रद्द

मुंबई : राज्यातील पूर परिस्थिती लक्षात घेता महाराष्ट्र राज्य परिवहन महामंडळाने केलेली १० टक्के दरवाढ रद्द

यूपीएससी आयईएस आयएसएसचा निकाल जाहीर, सोलापूरचा मयुरेश वाघमारे देशात आठवा

नवी दिल्ली (वृत्तसंस्था) : युनियन पब्लिक सर्व्हिसेस अर्थात यूपीएससीअंतर्गत येणाऱ्या इंडियन इकॉनॉमिक सर्व्हिस