३,००० दशलक्ष सिक्युअर्ड रिडीमेबल नॉन-कन्व्हर्टेबल डिबेंचर्स (एनसीडी) ची सार्वजनिक विक्री करणार !
दरवर्षी १०.५०% पर्यंत प्रभावी उत्पन्न
क्रेडिट रेटिंग: क्रिसिल ए+/ क्रिसिल रेटिंग्ज लिमिटेड द्वारे स्थिर
केवळ डीमटेरियलाइज्ड स्वरूपात व्यापार
मुंबई: एडेलवाईस फायनान्शियल सर्व्हिसेस लिमिटेड ("EFSL"/"कंपनी") ने आज १,००० रूपयांच्या दर्शनी मूल्याच्या (Face Value) सिक्युअर्ड रिडीमेबल नॉन-कन्व्हर्टेबल डिबेंचर्स (NCDs) च्या सार्वजनिक इश्यूची घोषणा केली ज्याची रक्कम १,५०० दशलक्ष (बेस इश्यू साइज) रूपयापर्यंत आहे ज्यामध्ये १,५०० दशलक्ष पर्यंतचा ग्रीन शू पर्याय (Green Shoe Option) आहे, जो एकत्रितपणे ३,००० दशलक्ष (इश्यू मर्यादा) पर्यंत आहे. इश्यू मंगळवार, ८ जुलै २०२५ रोजी उघडणार आहे आणि सोमवार, २१ जुलै २०२५ रोजी बंद होणार आहे.
इश्यूमध्ये १२ मालिका एनसीडी ( Non Convertible Debentures) आहेत ज्यांचे मुदत निश्चित कूपन (Fixed Coupons) आहे आणि त्यांचा कालावधी २४ महिने, ३६ महिने, ६० महिने आणि १२० महिने आहे आणि त्यांचा कालावधी वार्षिक, मासिक आणि संचयी व्याज पर्यायांसह आहे. एनसीडीवरील प्रभावी वार्षिक व्याज उत्पन्न ९.००% प्रतिवर्षापासून आहे. याचा व्याजदरात १०.४९% पर्यंत वार्षिक असणार आहे.या इश्यूद्वारे उभारलेल्या निधीपैकी किमान ७५% निधी कंपनीच्या विद्यमान कर्जांच्या व्याज आणि मुद्दलाच्या परतफेडी/पूर्वभरणीसाठी (Repayment /Prepayment) वापरला जाईल आणि उर्वरित रक्कम सामान्य कॉर्पोरेट उद्देशांसाठी वापरण्याचा प्रस्ताव आहे, जो इश्यूमध्ये उभारलेल्या रकमेच्या २५% पेक्षा जास्त नसावा, जो वेळोवेळी सुधारित केलेल्या सिक्युरिटीज अँड एक्सचेंज बोर्ड ऑफ इंडिया (इश्यू अँड लिस्टिंग ऑफ नॉन-कन्व्हर्टेबल सिक्युरिटीज) नियमावली, २०२१ (सेबी एनसीएस नियमावली) नुसार असेल. या इश्यूअंतर्गत जारी करण्यासाठी प्रस्तावित केलेल्या एनसीडींना "क्रिसिल ए+/स्टेबल" (स्थिर दृष्टिकोनासह 'क्रिसिल ए प्लस रेटिंग' (CRISIL A Plus Ratings) रेटिंग देण्यात आले आहे. ट्रस्ट इन्व्हेस्टमेंट ॲडव्हायझर्स प्रायव्हेट लिमिटेड, नुवामा वेल्थ मॅनेजमेंट लिमिटेड आणि टिप्सन्स कन्सल्टन्सी सर्व्हिसेस प्रायव्हेट लिमिटेड हे इश्यूचे लीड मॅनेजर आहेत. गुंतवणूकदारांना तरलता (Liquidity) प्रदान करण्यासाठी एनसीडी बीएसई लिमिटेडवर सूचीबद्ध केल्या जातील.
कंपनीने आपल्या निवेदनात म्हटल्याप्रमाणे, कंपनी सिक्युरिटीज अँड एक्सचेंज बोर्ड ऑफ इंडिया (मर्चंट बँकर्स) रेग्युलेशन,१९९२ सुधारित (Revised) मर्चंट बँकर्स रेग्युलेशन कायद्यानुसार, नुवामा वेल्थ मॅनेजमेंट लिमिटेड कंपनीची सहयोगी मानली जाते. शिवाय, नियम २१अ च्या तरतुदी आणि मर्चंट बँकर्स रेग्युलेशनच्या नियम २१अ च्या स्पष्टीकरणाचे पालन करून, नुवामा वेल्थ मॅनेजमेंट लिमिटेड केवळ इश्यूच्या मार्केटिंगमध्ये आणि सेबी एनसीएस रेग्युलेशनच्या नियम २५ (३) नुसार सहभागी असेल आणि ड्यू डिलिजेंस सर्टिफिकेट जारी करणार नाही.
एडेलवाईस फायनान्शियल सर्व्हिसेस लिमिटेड बद्दल:
एडेलवाईस फायनान्शियल सर्व्हिसेस लिमिटेड (EFSL) २१ नोव्हेंबर १९९५ रोजी एडेलवाईस कॅपिटल लिमिटेड या नावाने स्थापन करण्यात आली आणि सेबीकडून कॅटेगरी II परवाना मिळाल्यानंतर गुंतवणूक बँकिंग फर्म म्हणून काम सुरू केले. त्यानंतर एडेलवाईस कॅपिटल लिमिटेडला १६ ऑक्टोबर २००० पासून सेबीकडून कॅटेगरी I मर्चंट बँकर परवाना मिळाला. १ ऑगस्ट २०११ पासून एडेलवाईस कॅपिटल लिमिटेडचे नाव बदलून ‘एडेलवाईस फायनान्शियल सर्व्हिसेस लिमिटेड’ असे करण्यात आले. कंपनीच्या माहितीनुसार,
EFSL चे इक्विटी शेअर्स डिसेंबर २००७ मध्ये बीएसईवर (BSE) लिमिटेड आणि नॅशनल स्टॉक एक्सचेंज ऑफ इंडिया लिमिटेडवर (NSE) वर सूचीबद्ध (Listed) करण्यात आले आहेत. NSE: EDELWEISS, BSE: 532922, Reuters: EDEL.NS आणि EDEL.BO आणि ब्लूमबर्ग: EDEL IS आणि EDEL IB या चिन्हांखाली सूचीबद्ध करण्यात आले. EFSL चा कॉर्पोरेट ओळख क्रमांक L99999MH1995PLC094641 आहे.
गुंतवणूक बँकिंग फर्म म्हणून व्यवसाय सुरू केल्यानंतर, कंपनीने त्याच्या उपकंपन्यांनी त्यांचे व्यवसाय रिटेल आणि कॉर्पोरेट क्रेडिट, म्युच्युअल फंड, पर्यायी मालमत्ता व्यवस्थापन (Alternative Asset Management), मालमत्ता पुनर्बांधणी (Asset Reconstruction), जीवन विमा आणि सामान्य विमा व्यवसायांमध्ये विविधीकृत केले.उत्पादन नवोपक्रम आणि निर्बाध ग्राहक अनुभवावर आमचे लक्ष केंद्रित केल्याने आमचा रिटेल व्यवसाय अंदाजे ९.७३ दशलक्ष ग्राहकांपर्यंत वाढ ण्यास मदत झाली आहे असे आम्हाला वाटते. आमच्या संशोधन-आधारित दृष्टिकोनामुळे आणि उदयोन्मुख बाजारपेठेतील ट्रेंडचा फायदा घेण्याची सातत्यपूर्ण क्षमता यामुळे आम्हाला कॉर्पोरेट्स, संस्था (देशांतर्गत आणि आंतरराष्ट्रीय दोन्ही), उच्च निव्वळ संपत्ती (High Net Worth )असलेल्या व्यक्ती आणि किरकोळ ग्राहकांसह क्लायंट विभागांमध्ये मजबूत संबंध निर्माण करण्यास सक्षम केले आहे.कंपनीची संपूर्ण भारत आणि आंतरराष्ट्रीय नेटवर्क आहे ज्यामध्ये २५२ देशांतर्गत कार्यालये आणि ३ आंतरराष्ट्रीय कार्यालये (एकूण २५५ कार्यालये) आहेत आणि ३१ मार्च २०२५ पर्यंत ५,६१२ कर्मचारी कार्यरत होते.
बीएसई लिमिटेड (नियुक्त स्टॉक एक्सचेंज) शी सल्लामसलत करून, बीएसई लिमिटेडच्या इलेक्ट्रॉनिक बुकमध्ये अर्ज अपलोड केल्याच्या तारखेच्या आधारावर वाटप केले जाईल असे कंपनीने यावेळी म्हटले. तथापि, ओव्हरसबस्क्रिप्शनच्या तारखेला आणि त्यानंतर, अर्जदारांना प्रमाणानुसार वाटप केले जाईल असा उल्लेख प्रसिद्धीपत्रकात कंपनीने केला आहे. आज सकाळपर्यंत कंपनीच्या समभागात ०.६०% वाढ झाली होती त्यामुळे कंपनीच्या समभागांची बाजारात सध्या किंमत ११४.४० रूपये प्रति शेअर आहे.