प्रतिनिधी: ३० जूनला सरकारने जाहीर केलेल्या अधिकृत माहितीनुसार,देशातील स्थूल जीएसटी संकलनात (Gross GST Collection) यामध्ये रेकोर्डब्रेक वाढ झाली आहे. आर्थिक वर्ष २०२४-२०२५ मध्ये इयर ऑन इयर बेसिसवर (YoY) मध्ये ९.४% एवढी घसघशीत वाढ झाल्याने जीएसटी संकलनात २२.०८ लाख कोटींची वाढ झाली आहे. गेल्या ५ वर्षांतील ही सर्वाधिक वाढ झाल्याचे प्रसारमाध्यमांनी म्हटले होते. ' आर्थिक वर्ष २०२४-२५ मध्ये २०२४-२५ मध्ये, जीएसटीने आतापर्यंतचा सर्वाधिक २२.०८ लाख कोटींचा सकल संग्रह नोंदवला, जो वार्षिक ९.४ टक्के वाढीचे प्रतिबिंब आहे. सरासरी मासिक संग्रह १.८४ लाख कोटी होता' असे सरकारने आपल्या प्रेस नोटमध्ये म्हटले आहे.
यामुळे महसूलात मोठ्या प्रमाणात वाढ झाली असून अप्रत्यक्ष करप्रणालीतील (Indirect Taxes) महसूलात लक्षणीय वाढ झाल्याचे या प्रेसनोटमध्ये म्हटले आहे. आर्थिक वर्ष २०२४-२५ मध्ये जीएसटी संकलनात २२.०८ लाख कोटींचा झाला आहे. सरासरी महिन्यातील संकलनाची पातळी १.८४ लाख कोटीवर पोहोचली आहे.यापूर्वी आर्थिक वर्ष २०२०-२१ मध्ये इयर ऑन इयर बेसिसवर एकूण संकलन ११.३७ कोटींचे झाले होते. तसेच सरासरी मासिक संकलन (Collection) ९५००० कोटींचे झाले होते. यापूर्वी आर्थिक वर्ष २०२२-२३ मध्ये जीएसटी संकलन १४.८३ लाख कोटीवर पोहोचले होते.
प्रेसनोटमध्ये म्हटल्याप्रमाणे, करदात्यांच्या संख्येतही वाढ होत ३० एप्रिल २०२५ पर्यंत नोंदणी संख्या १.५१ कोटींवर पोहोचली आहे. याशिवाय प्रसिद्धीपत्रकात म्हटले आहे की,' जीएसटी लागू झाल्यापासून, वस्तू आणि सेवा कराने महसूल संकलनात आणि कर पायाच्या विस्तारात चांगली वाढ दर्शविली आहे. यामुळे भारताची आर्थिक स्थिती स्थिरपणे मजबूत झाली आहे आणि अप्रत्यक्ष कर अधिक कार्यक्षम आणि पारदर्शक बनला आहे," असे जीएसटी आठवा वर्धापन दिनानिमित्ताने म्हटले आहे.