सदनातले सन्मानीय सदस्य लोणीकर आणि राज्याचे कृषीमंत्री सातत्याने शेतकऱ्यांचा अपमान करत आहेत. हा अपमान राज्यातला शेतकरी सहन करणार नाही. मुख्यमंत्र्यांनी शेतकऱ्यांची माफी मागावी. मोदी तुमचा बाप असेल, शेतकऱ्यांचा बाप होऊ शकत नाही. हे अजिबात चालणार नाही. कारवाई झाली पाहिजे, असे आमदार नाना पटोले विधानसभेत म्हणाले. नानांनी वापरलेली भाषा असंसदीय आहे ही बाब विधानसभाध्यक्ष राहुल नार्वेकर यांनी लगेच पटोलेंना सांगितले.
तुमच्याकडून असंसदीय षेचा उपयोग होणं मला बरोबर वाटत नाही. हे योग्य नाही, असे विधानसभाध्यक्ष राहुल नार्वेकर म्हणाले. नाना पटोले आपल्या जागेवरुन उठून राहुल नार्वेकर यांच्या आसनाजवळ गेले. तिथे ते आक्रमकपणे बोलत होते. अखेर विधानसभा अध्यक्षांनी दिवसभरासाठी नाना पटोले यांना निलंबित केले.