पुणे - सोलापूर राष्ट्रीय महामार्गाजवळ हवेली तालुक्यातील कदमवाकवस्तीतील लोणी पोलीस ठाण्याच्या हद्दीत इराणचे झेंडे आणि खामेनेईंचे पोस्टर झळकले. हा प्रकार कळताच पोलिसांनी धावपळ केली. पोलिसांनी तातडीने कारवाई करुन इराणचे झेंडे आणि खामेनेईंचे पोस्टर हटवले. लोणी काळभोर परिसरात इराणच्या समर्थनासाठी घोषणाबाजी करणाऱ्यांनाही पोलिसांनी योग्य पद्धतीने समज दिली. पुन्हा पोस्टर किंवा झेंडे झळकणार नाही, याची हमी मिळाल्यानंतरच पोलीस घटनास्थळावरुन निघून गेले.
हिंदू संघटना संतापल्या
आंतरराष्ट्रीय परिषद नसताना एखाद्या ठिकाणी दुसऱ्या देशाचे झेंडे आणि तिथल्या नेत्याचे पोस्टर झळकवण्याची आवश्यकताच नाही. पण पुण्यात इराणचे झेंडे आणि खामेनेईंचे पोस्टर झळकवण्यात आले. हा प्रकार कळताच हिंदू संघटनांनी संताप व्यक्त केला. पोलिसांनी दोषींवर कायदेशीर कारवाई करावी, अशी मागणी हिंदू संघटनांनी केल्याचे वृत्त आहे.
