Gold Silver Rate: सोने चांदी सलग चौथ्यांदा स्वस्त ! सोन्यात 'महाकाय ' घसरण चांदीच्या दरात किरकोळ घसरण 'ही' आहेत कारणे !

  122

प्रतिनिधी:आज आंतरराष्ट्रीय तणावात घट झाल्यानंतर झपाट्याने सोन्याचांदीचे दर घसरले आहेत. इस्त्राईल व इराण यांच्यातील युद्धाविरामामुळे बाजारातील सोन्याच्या दरात गेल्या चार दिवसात मोठी घसरण झाली परिणामी आजही सोन्याचे भाव मोठ्या प्रमाणात गडगडले आहेत. 'गुडरिटर्न्स ' संकेतस्थळावरील माहितीनुसार २४ कॅरेट प्रति सोन्याच्या दरात ९३ रूपयांनी घसरण झाली आहे. त्यामुळे २४ कॅरेट प्रति ग्रॅम दर ९८०२ रूपयांवर गेले आहेत. २२ कॅरेट प्रति ग्रॅम किंमत देखील ८५ रूपयांनी घसरली आहे. त्यामुळे २२ कॅरेट प्रति ग्रॅम दर ८९८५ रुपयांवर पोहोचले आहेत.


२४ कॅरेट प्रति तोळा किंमत ९३० रूपयांनी घसरत ९८०२० रूपये पातळीवर पोहोचली आहे तर २२ कॅरेट प्रति तोळा किंमत ८५० रूपयांनी घसरत ८९८५० रूपये पातळीवर पोहोचली आहे. १८ कॅरेट प्रति ग्रॅम किंमत ६९ रूपयांनी घसरत ७३५२ रूपयांवर पोहोचली आहे. तर १८ कॅरेट प्रति तोळा किंमत ६९० रूपयांनी घसरत ७३५२० रूपयांवर पोहोचली आहे.आज सराफाबाजारात सोन्यात अधिकच्या पुरवठ्यात झालेल्या वाढीतुलनेत मागणीत झाल्याने सोने स्वस्त झाले आहे.


किंबहुना ही आठवड्यातील सर्वात मोठी घसरण आहे. आंतरराष्ट्रीय बाजारातील गोल्ड फ्युचर निर्देशांकात संध्याकाळपर्यंत १.८७% घसरण झाली होती. तर युएस गोल्ड स्पॉट दरात १.४३% घसरण झाली आहे.


भारतीय कमोडिटी बाजारातील एमसीएक्समधील सोन्याच्या निर्देशांकात १.५४% घसरण झाली आहे परिणामी एमसीएक्स किंमत पातळी ९५५९०.०० पातळीवर गेली. अमेरिकन बाजारातील फेडरल रिझर्व्ह व्याजदरात कपात उशीरा होण्याची शक्यता असल्याने बाजारातील डॉलरच्या सपोर्ट लेवलही घटली. डॉलरच्या तुलनेत रुपयाची वाढ झाल्याने तसेच मध्यपूर्वेकडील युद्धस्थिती आटोक्यात आल्यानंतर सोन्याची मागणी घटली. तसेच गुंतवणूकदारांचे लक्ष पुन्हा एकदा कच्च्या तेलाकडे केंद्रित झाल्यामुळे सोन्याच्या बरोबर चांदीच्या दरातही घसरण झाली आहे.


यूएस पर्सनल कन्झम्प्शन एक्सपेंडिचर (पीसीई PCE) किंमत निर्देशांक आज भारतीय प्रमाणवेळेनुसार उशिरा प्रसिद्ध होण्याची शक्यता आहे आणि यानिमित्ताने फेडरल रिझर्व्ह (फेड) च्या दर कपातीच्या मार्गाबद्दल संकेत देईल. यामधून, यूएस डॉलर (यूएसडी) किंमत गतिमानतेवर प्रभाव पाडण्यात महत्त्वाची भूमिका बजावेल आणि सोन्याच्या नॉन-यिल्डिंग किमतीला काही अर्थपूर्ण चालना देईल.मात्र वेट अँड वॉचचा पवित्रा गुंतवणूकदारांनी घेतल्याने बाजारात धातूची किंमत खालावण्यास एकप्रकारे मदत निर्माण झाली आहे.

चांदीतही मोठी घसरण !

संकेतस्थळावरील माहितीनुसार, चांदीच्या दरात मात्र किरकोळ घसरण झाली आहे. चांदीच्या प्रति ग्रॅम दरात ०.१० रूपयांची घसरण झाली आहे. त्यामुळे प्रति किलो चांदीचे दर १०० रूपयांनी घसरत १०७९०० पातळीवर पोहोचला. एमसी एक्सवरील चांदीच्या निर्देशांकात १.८३% घसरण झाल्याने किंमत पातळी १०४८००.०० रूपयांवर पोहोचली. तसेच आंतरराष्ट्रीय बाजारातील चांदीच्या Silver Future Index या निर्देशांकात संध्याकाळपर्यंत तब्बल २.०१% घसरण झाली आहे. सोन्यासोबतच चांदीचे दर घटण्याचे प्रमुख कारण म्हणजे इस्त्राईल व इराण यांच्यातील युद्धात सोन्याला महाग म्हणून चांदीचा पर्याय बघितला गेला होता. मात्र सोन्यातही युद्धबंदीनंतर मुबलकता आल्याने चांदीच्या मागणीतही घट झाली आहे. चांदीच्या औद्योगिक उत्पादनातही मागणीत घट झाल्याने चांदीचाही बाजार तुलनात्मकदृष्ट्या घसरला आहे.

Comments
Add Comment

श्री तुळजाभवानी मंदिरातील तलवार चोरीच्या बातम्या खोट्या, अफवांवर विश्वास ठेवू नका!

धाराशिव : श्री तुळजाभवानी मंदिरात सध्या जतन,संवर्धन व विविध विकासकामे मोठ्या प्रमाणावर सुरू असून,या अनुषंगाने

पाकिस्तानमधून आरडीएक्सने राम मंदिर उडवण्याचा मेसेज; गुन्हा दाखल

बीड : उत्तर प्रदेशातील अयोध्येतील श्री राम मंदिर उडवण्याचा मेसेज थेट पाकिस्तानातून बीड जिल्ह्यातील एका तरुणाला

मिठीचा गाळ, गोतास काळ; ७,००० पानांचे आरोपपत्र, मोठे मासे सापडणार!

मुंबई पोलिसांकडून मिठी नदी गाळ काढणी घोटाळा उघड ६५.५४ कोटींचा धक्कादायक प्रकार! मुंबई : ६५.५४ कोटींच्या मिठी

सांगा चूक कोणाची? लपवाछपवी कोणासाठी? बीएमसी आणि म्हाडामध्ये घमासान!

मुंबई : मुंबई महानगरपालिका (BMC) आणि महाराष्ट्र गृहनिर्माण व क्षेत्र विकास प्राधिकरण (MHADA) यांच्यात चांदिवलीतील

नाईट वॉचमन आकाशदीपने इंग्लंडची झोप उडवली

लंडन : भारत आणि इंग्लंड यांच्यात सुरू असलेल्या पाच कसोटी सामन्यांच्या मालिकेतील अखेरचा सामना केनिंग्टन ओव्हल

महाराष्ट्रात ४.१७ कोटींची बेनामी मालमत्ता उघड!

मुंबई : महाराष्ट्र लाचलुचपत प्रतिबंधक विभागाने (ACB) यावर्षी भ्रष्ट लोकसेवक आणि खाजगी व्यक्तींविरुद्ध चार