पुणे : मिळकत करावर दंड आणि व्याज लावला जात असल्याने राज्यमंत्री माधुरी मिसाळ यांनी नागरिकांसाठी मोठा निर्णय घेण्यात येणार आहे. मिळकत करावर दंड व व्याज लावला जात असल्याने मिळकत कराची रक्कम दुप्पट आणि तिप्पट वाढते, त्यामुळे अनेक नागरिक कर भरत नाहीत. ही बाब राज्य सरकारच्या निदर्शनास आल्याने राज्यमंत्री माधुरी मिसाळ यांनी तोडगा काढण्याचा प्रयत्न केला.
राज्याच्या नगर विकास खात्याच्या राज्यमंत्री माधुरी मिसाळ यांनी मिळकत करावर आणि बिलावर आकारलेला दंड व व्याज कमी केल्यास कर आकारणी वाढेल, गावांमधील रहिवाशांवरही अन्याय होणार नाही, अशी कर रचना करावी अशीही सूचना महापालिकेला केल्या आहेत, अशी माहिती राज्यमंत्री माधुरी मिसाळ यांनी माहिती दिली.
मिसाळ यांनी गुरुवारी महापालिकेत बैठक घेतली. यावेळी महापालिका आयुक्त नवल किशोर राम, अतिरिक्त आयुक्त पृथ्वीराज बी.पी, ओमप्रकाश दिवटे, चंद्रन आदी उपस्थित होते. मिसाळ यांनी बैठकीत झालेल्या विविध विषयांवरील चर्चेबाबतची माहिती पत्रकार परिषदेत दिली. मिसाळ म्हणाऱ्या, "राज्य सरकारने कर आकारणीसंदर्भातही लक्ष्यकेंद्रीत काम करण्याच्या सूचना दिल्या आहेत.
वेळेवर मिळकत कर न भरल्यामुळे व्याज व दंडाची रक्कम वाढते. त्यामुळे नागरिक मिळकर कर भरण्यास दुर्लक्ष करतात. त्यामुळे मिळकर करावरील व्याज व दंड कमी करण्याच्या सूचना दिल्या आहेत. नव्याने प्रस्ताव तयार करुन पाठविण्यास सांगितले. त्यामुळे गावातील नागरिकांवर अन्याय होणार नाही. संबंधित बाबींचा विचार करुन प्रस्ताव पाठवण्यात यावा. असे आदेश मिसाळ यांनी दिले आहेत.