सानपाड्यातील समस्या सोडविण्यासाठी भाजपाची पालिकेवर धडक

लवकरात लवकर समस्यांचे निवारण करण्याचे अधिकाऱ्यांचे आश्वासन


नवी मुंबई : सानपाडा नोडमधील नागरी समस्या निवारणासाठी व नागरी सुविधा उपलब्ध करुन देण्यासाठी नवी मुंबई महापालिका प्रशासनाकडून टाळाटाळ होत असल्याने भारतीय जनता युवा मोर्चाचे नवी मुंबई जिल्हा उपाध्यक्ष व अखिल भारतीय माथाडी युनियनचे अध्यक्ष पांडुरंग आमले यांनी सानपाड्यातील रहिवाशांसमवेत महापालिका मुख्यालयात जावून संबंधित अधिकाऱ्यांना समस्यांचे गांभीर्य निदर्शनास आणून दिले. लवकरात लवकर या समस्यांचे निवारण करण्याचे आश्वासन महापालिका अधिकाऱ्यांकडून पांडूरंग आमले व त्यांच्यासमवेत गेलेल्या शिष्टमंडळातील रहिवाशांना देण्यात आले.


सानपाडा सेक्टर १० मधील झाशीची राणी मैदान व सेक्टर ७ मधील सीताराम मास्तर उद्यानाचा गैरवापर करणाऱ्यांवर कारवाई करण्यात यावी, सानपाडा सेक्टर ७ मधील सप्तरंग सोसायटी व बाबू गेनू मैदानासमोरील रस्त्यावरील चेम्बर्सची दुरुस्ती करण्यात यावी, पावसाळा सुरु झाला तरीही सानपाडा नोडमधील धोकादायक झाडांची व ठिसूळ झालेल्या फांद्याची छाटणी झालेली नसल्याने जिवितहानी व मालमत्तेची संभाव्य हानी टाळण्यासाठी पालिका प्रशासनाने तातडीने वृक्षछाटणी अभियान राबवावे, सानपाडा सेक्टर ८ मधील पदपथावर अतिक्रमण करुन पदपथ गिळकृंत करणाऱ्या फेरीवाल्यांना तातडीने हटवून स्थानिक रहिवाशांना ये-जा करण्यासाठी हे पदपथ उपलब्ध करुन देण्यात यावे, सेव्हन्थ डे या शाळेसमोर शाळा भरण्याच्या व सुटण्याच्या वेळी होत असलेली गर्दी व वाहतूक कोंडी यावर तोडगा काढण्यात यावा, सानपाडा नोडमध्ये गेल्या काही दिवसांपासून तांबूस, पिवळसर व लालसर रंगाचे दूषित पाणी येत असल्याने रहिवाशांच्या जिविताला धोका निर्माण झाला असल्याने या समस्येचे निवारण करुन रहिवाशांना स्वच्छ पाणीपुरवठा करण्यात यावा, अशा मागण्या पांडूरंग आमले व शिष्टमंडळातील स्थानिक रहिवाशांनी त्या त्या विभागाच्या उपायुक्तांची भेट घेवून त्यांना लेखी निवेदन सादर करत समस्या निवारणाबाबत त्यांच्याशी चर्चा केली.


पालिका उपायुक्तांनी आमले व त्यांच्यासोबत गेलेल्या शिष्टमंडळाला सकारात्मक प्रतिसाद देत लवकरात लवकर या समस्यांचे निवारण करण्याचे आश्वासन दिले.

Comments
Add Comment

Navi Mumbai Vashi Fire : नवी मुंबईत दिवाळीच्या रात्री 'अग्नितांडव'! वाशी-कामोठ्यात दोन मोठ्या दुर्घटना; ६ वर्षांच्या चिमुकलीसह चौघांचा बळी, माय-लेकीचाही अंत!

नवी मुंबई : नवी मुंबईतील वाशी परिसरामध्ये सेक्टर १४ मधील एम. जी. कॉम्प्लेक्समधील रहेजा रेसिडन्सी या निवासी

खारघर, तळोजा परिसरातील जलपुरवठा होणार सुरळीत

सिडकोकडून नागरिकांना िदलासादायक निर्णय खारघर  : खारघर आणि तळोजा परिसरातील वाढत्या पाणीटंचाईच्या

नवी मुंबईतील १३रेल्वे स्थानके म. रे. कडे जाण्याची शक्यता

मध्य रेल्वे (म.रे) मार्गावरील हार्बर मार्गिकेची स्थानकांच्या देखभाल आणि दुरुस्तीवरून सिडको आणि रेल्वे

महावितरणच्या संपाला नवी मुंबईतील ८० टक्के कर्मचाऱ्यांचा पाठिंबा

नवी मुंबई (प्रतिनिधी) : खासगीकरण आणि फेररचनेच्या मुद्द्यांवर संयुक्त कृती समितीने आंदोलन पुकारले आहे. या

मोदींच्या हस्ते नवी मुंबई आंतरराष्ट्रीय विमानतळाचे उद्घाटन

नवी मुंबई : पंतप्रधान नरेंद्र मोदी यांच्या हस्ते नवी मुंबई आंतरराष्ट्रीय विमानतळाचे उद्घाटन झाले. मोदींनी बटण

Navi Mumbai International Airport: नवी मुंबई आंतरराष्ट्रीय विमानतळाचे उद्घाटन ८ ऑक्टोबर रोजी होणार, जागांच्या किंमतीवर 'अशाप्रकारे' परिणाम होणार

नवी मुंबई:बहुप्रतिक्षित नवी मुंबई आंतरराष्ट्रीय विमानतळ (NMIA) चे उद्घाटन ८ ऑक्टोबर २०२५ रोजी पंतप्रधान मोदी