प्रतिनिधी: सोन्याचांदीच्या दरात काल झालेल्या घसरणीनंतर आज पुन्हा सोन्याच्या दरात घसरण झाली आहे. तर चांदीच्या दरात कुठलाही बदल झाला नाही. आज सकाळपर्यंत सोन्याच्या दरात 'गुडरिटर्न्स ' संकेतस्थळावरील माहितीनुसार, २४ कॅरेट प्रति ग्रॅम सोन्याच्या दरात २७ रुपयांनी वाढ झालेली असल्याने प्रति ग्रॅम किंमत १००७५ रूपयांवर पोहोचली आहे. २४ कॅरेट प्रति तोळा किंमत २७० रुपयाने वाढत १००७५० रूपयांवर गेली आहे.याखेरीज २२ कॅरेट सोने प्रति ग्रॅम किंमत २५ रुपयांनी वाढत ९२३५ रुपयांना तर २२ कॅरेट प्रति तोळा किंमत २५० रुपयांनी वाढत ९२३५० रूपये गेली आहे. १८ कॅरेट प्रति ग्रॅम किंमत २० रुपयाने वाढत ७५५६ रूपये झाली. तर १८ कॅरेट प्रति तोळा किंमत २०० रूपयांनी वाढत ७५५६० रूपयांवर पोहोचली आहे.
एमसीएक्स (Multi Commodity Exchange MCX) मधील सोन्याच्या निर्देशांकात ०.०१% घसरण झाली होती त्यामुळे एमसी एक्स गोल्ड पातळी ९९०९६ रुपयांवर आहे. तसेच जागतिक पातळीवर सोन्याच्या निर्देशांकात घसरण पहायला मिळत आहे. गोल्ड फ्युचर (Gold Future) मध्ये ०.६६% घसरण झाली आहे. काल युएस गोल्ड स्पॉट (Gold Spot Index) यामध्ये ०.०७% घसरण झाली होती.
एकूण जागतिक पातळीवर इस्त्राईल व इराण यांच्यातील युद्धामुळे मंदीची लाट येईल अशी शक्यता व्यक्त केली जात होते. सोन्याच्या मागणीत मोठ्या प्रमाणात वाढल्याने यापूर्वी किंमत पातळी उच्चांक होती. मात्र सोनाच्या वाढत्या दरामुळे लोकांनी सोन्यात गुंतवणूक करण्यासाठी कानाडोळा केल्याने पुरवठ्यापेक्षा मागणी घटली दुसरीकडे आरबीआयच्या नुकत्याच प्रोजेक्ट फायनांसिंग घोषणेनंतर लोकांची गुंतवणूक रिअल इस्टेट क्षेत्रात अधिक होऊ शकते. युएस फेडरल रिझ र्व्ह व्याजदरात कपात न झाल्याने व मध्यपूर्वेकडील अमेरिकचा बाजारात कल मोठ्या अंकाने बाजार कोसळला होता व डॉलरच्या तुलनेत रुपयाची १६ पैशांची घसरण झाल्यानंतर बाजारात सोन्याचे दर नियंत्रित राहण्यास मदत झाली होती.
मात्र आज पुन्हा कच्च्या तेलाच्याबरोबरच अमेरिकन बाजारातील घसरणीनंतर बाजारात अस्थिरता कायम राहिली आहे. विशेषतः फेडचे अध्यक्ष जेरोम पॉवेल यांनी आगामी काळात टेरिफ व इतर कारणांमुळे महागाईत वाढ होऊ शकते असे म्हटले होते. त्यानंतर वाढती बेरोजगारी व महागाई येऊ शकते या भाकीतानंतर गुंतवणूकदारांनी सावधतेचा पवित्रा घेतला होता. व आता सोन्यातील गुंतवणूक वाढण्याची पुन्हा एकदा शक्यता वर्तवली जात आहे.बाजारातील अस्थिरता आणि भू-राजकीय चिंता यांच्यात, तज्ञांचा असा विश्वास आहे की सोने आणि चांदी ही सुरक्षित गुंतवणूक आहे; तथापि, त्यांचा तुमच्या पोर्टफोलिओमध्ये धोरणात्मकपणे समावेश केला पाहिजे.
चांदीत कुठलाही बदल नाही!
आज चांदीच्या किंमतीत कुठलाही बदल न झाल्याने किंमती स्थिर राहिल्या आहेत. १ ग्रॅम चांदीची किंमत ११० रूपये रूपये व एक किलो चांदीचे दर ११००० रूपयांवर कायम आहेत.तर काल चांदीची प्रति ग्रॅम किंमत १०६५७ रूपये होती.एम सीएक्सवर चांदीच्या दरात ०.०५% किरकोळ वाढ झाल्याने एमसीएक्सवरील चांदीचा निर्देशांक १०६२७५.०० पातळीवर पोहोचला आहे. काल सोन्याच्या दरात मोठी घसरण झाली होती. २४ कॅरेट सोन्याची प्रति तोळा किंमत १००४८० रूपयां वर व २२ कॅरेट प्रति तोळा किंमत ९२१०० होती.