मुंबई जिल्हा बँकेच्या संचालकपदी तेजस्वी घोसाळकरांच्या नियुक्तीनं राजकीय खळबळ

  114

मुंबई : शिवसेना ठाकरे गटाच्या माजी नगरसेविका तेजस्वी घोसाळकर यांची मुंबै जिल्हा बँकेच्या संचालक पदावर नियुक्ती होताच राजकीय वर्तुळात खळबळ उडाली आहे. यामुळे त्या भाजपामध्ये प्रवेश करणार का, यावर जोरदार चर्चा रंगू लागली आहे.



घोसाळकर यांचे पती, माजी संचालक अभिषेक घोसाळकर यांच्या हत्येनंतर रिक्त झालेल्या जागेवर त्यांची पत्नी तेजस्वी यांना संचालक म्हणून नेमण्यात आले आहे. हा निर्णय "सद्भावनेतून" घेतल्याचा दावा बँकेचे अध्यक्ष आणि भाजपा नेते प्रवीण दरेकर यांनी केला असला, तरी ही नियुक्ती ठाकरे गटासाठी धक्का मानली जात आहे.


दरम्यान, तेजस्वी यांचे भाजपामध्ये जाणे जवळपास ठरलेले असल्याची चर्चा आधीच सुरू होती. गेल्या वर्षभरापासून त्या संचालकपदासाठी प्रयत्नशील होत्या, आणि अखेर कालच्या संचालक मंडळाच्या बैठकीत त्यांच्या नावावर शिक्कामोर्तब करण्यात आले.


प्रवीण दरेकर यांनी या नियुक्तीचे समर्थन करताना शिवसेना (ठाकरे) पक्षप्रमुख उद्धव ठाकरे यांच्यावरही टीकेची झोड उठवली. "मराठी मतदार आमच्यासोबत आहे, तो पाकिस्तानी नाही," असे सांगत त्यांनी ठाकरेंच्या ‘मराठी माणसाच्या मतांवर’च्या दाव्याला जोरदार प्रत्युत्तर दिले.


दरेकर पुढे म्हणाले, "बाळासाहेबांचे खरे वारस आम्ही आहोत. उद्धव ठाकरेंनी त्यांच्या विचारांना तिलांजली दिली. त्यांचा ब्रँड आज एकनाथ शिंदेंकडे आहे."


दरम्यान, या नेमणुकीने राजकारणातील नवीन समीकरणांची शक्यता निर्माण झाली आहे. ठाकरे गटातून माजी नगरसेविका तेजस्वी घोसाळकर या भाजपात जाणार हे निश्चित झाले असून आता त्यांचे सासरे विनोद घोसाळकर हे काय निर्णय घेतात, याकडे साऱ्यांचे लक्ष लागले आहे.

Comments
Add Comment

Ajit Pawar: मतचोरीच्या आरोपांवर अजितदादांचा जोरदार हल्लाबोल, म्हणाले "फेक नरेटीव्ह...

मुंबई: काँग्रेसचे नेते राहुल गांधी यांनी मतदानावरून निवडणूक आयोगावर गंभीर आरोप केले,  त्यानंतर देशभरात वातावरण

मराठा आरक्षणासाठी समितीचे नवीन अध्यक्ष!

मुंबई: भाजपच्या नेतृत्वाखालील 'महायुती' सरकारने जलसंपदा मंत्री राधाकृष्ण विखे पाटील यांची मराठा समाजाच्या

पृथ्वीराज चव्हाणांच्या पुतण्याचे तीन ठिकाणी मतदान! भाजपचा आरोप, मुख्यमंत्री म्हणाले "आता खरे वोट चोर कोण?"

माजी मुख्यमंत्री पृथ्वीराज चव्हाण यांच्या कुटुंबातील एकूण ९ सदस्यांचे दुबार तिबार मतदान सांगली : काँग्रेस

काँग्रेस खासदाराच्या घरात फूट, दिराचा भाजपमध्ये प्रवेश

मुंबई : काँग्रेसच्या चंद्रपूरच्या खासदार प्रतिभा धानोरकर यांचे दीर आणि काँग्रेसचे दिवंगत नेते बाळू (सुरेश)

पक्षाच्या नावावर दुकानदारी करणाऱ्यांचा बंदोबस्त करणार

अजित पवारांचा राष्ट्रवादीच्या कार्यकर्त्यांना इशारा मुंबई : मला नागपुरात उपमुख्यमंत्रीपदाचा विजयगड बंगला

Raj Thackeray And Devendra Fadnavis : ठाकरे ब्रँडचा पराभव! राज-फडणवीस भेटीतून राजकारणात नवा खेळ सुरू? वर्षावर खलबतं

मुंबई : मनसेप्रमुख राज ठाकरे आज सकाळी मुख्यमंत्री देवेंद्र फडणवीस यांच्या वर्षा निवासस्थानी पोहोचले. सकाळी ९