२५ किमी/तास इतका सर्वाधिक वेग आणि एकाच चार्जमध्ये १५० किमी पर्यंतची विस्तारित रेंज यामुळे, फेसलिफ्ट केलेले लेजेंडर प्रभावी व किफायतशीर शहरी वाहतूक सुनिश्चित करते. हे उच्च-कार्यक्षमतेच्या ६०/७२व्ही बीएलडीसी मोटरने चालते आणि प्रति चार्ज केवळ १.५ युनिट वीज वापरते. ९८ किलो एकूण वजन, १५० किलो लोडिंग क्षमता आणि १७० मिमी ग्राउंड क्लिअरन्ससह, लेजेंडर दैनंदिन प्रवासाची आव्हाने सहजपणे आणि आत्मविश्वासाने पेलण्यासाठी डिझाइन केले आहे असा कंपनीचा दावा आहे.
चार्जिंग वेळ मॉडेलनुसार वेगवेगळी आहे. लिथियम-आयन मॉडेल्सना पूर्ण चार्ज होण्यासाठी ४ तास लागतात, तर जेल बॅटरी मॉडेलला 8 तास लागतात. ही स्कूटर तीन आकर्षक नवीन रंगांच्या पर्यायांमध्ये उपलब्ध असेल: रस्टी ऑरेंज, ग्लॉसी ग्रीन आणि ग्लॉसी ग्रे, जे वापरकर्त्यांना स्टायलिश आणि चैतन्यपूर्ण रंगसंगती देतात.
झेलीओ ई-मोबिलिटीचे सह-संस्थापक आणि व्यवस्थापकीय संचालक कुणाल आर्य म्हणाले,'आमच्या उत्पादनांच्या श्रेणीमध्ये लेजेंडर हे नेहमीच विश्वसनीयता, कार्यक्षमता आणि स्टाइलचे प्रतीक राहिले आहे. या फेसलिफ्ट मॉडेलसह,आम्ही शहरी प्रवासाचा अनुभव कसा असावा, याची नव्याने कल्पना केली आहे. आकर्षक ग्राफिक्स, सुधारित एर्गोनॉमिक्स (म्हणजेच मानवी शरीराला अधिक सोयीस्कर रचना) आणि भविष्यासाठी तयार असलेली वैशिष्ट्ये हे सर्व एकत्रितपणे राय डरचा अनुभव वाढवतात. आम्हाला खात्री आहे की नवीन लेजेंडर तरुण पिढीला आणि व्यावसायिकांनाही आकर्षित करेल, ज्यामुळे भारतासाठी सुलभ आणि बुद्धिमान इलेक्ट्रिक वाहतुकीबद्दलची आमची बांधिलकी आणखी मजबूत होईल'.
नवीन लेजेंडर सुरक्षा, आराम आणि दैनंदिन सुविधा वाढवणाऱ्या बुद्धिमान अपग्रेड्सनी परिपूर्ण आहे. यात पुढील आणि मागील बाजूस डिस्क ब्रेक, ९०/९०-१२ टायर्ससह १२-इंच अलॉय व्हील्स आणि सुरळीत व स्थिर राइडसाठी शक्तिशाली रिअर हब मोटर आहे. पुढील टेलिस्कोपिक आणि मागील ड्युअल स्प्रिंग-लोडेड सस्पेन्शन (झटके सहन करणारी यंत्रणा) खडबडीत रस्त्यांवरही आरामदायी प्रवासाची खात्री देते. स्टायलिश एलईडी हेडलॅम्प, टेललॅम्प आणि इंडिकेटर्स तिच्या आधुनिक आकर्षणात भर घालतात, तर डिजिटल डॅशबोर्ड रायडर्सना आवश्यक माहिती पुरवतो. किलेस (Keyless) एंट्री (चावीविना प्रवेश), मोबाइल चार्जिंग, चोरी-विरोधी शोध (अँटी-थेफ्ट डिटेक्शन), प्रॉक्सिमिटी लॉक-अनलॉक (जवळ आल्यास आपोआप लॉक/अनलॉक), पार्क असिस्ट, फॉलो-मी-होम लाइट्स, एसओएस अलर्ट, क्रॅश आणि फॉल डिटेक्शन (अपघात व पडल्यास ओळख) आणि वाहन निदान (व्हेईकल डायग्नोस्टिक्स) यांसारख्या वैशिष्ट्यांमुळे लेजेंडर शहरी प्रवासासाठी एक स्मार्ट पर्याय कंपनीने आणला आहे.
कंपनीच्या माहितीनुसार ,झेलीओ (Zelio) त्यांच्या वाहनांवर २ वर्षांची आणि सर्व बॅटरी मॉडेल्सवर १ वर्षाची सर्वसमावेशक वॉरंटी देतात, जे त्यांची गुणवत्ता आणि ग्राहकांच्या समाधानासाठी असलेली बांधिलकी दर्शवते. या लाँचच्या निमित्ताने, झेलीओ पहिल्या १,००० ग्राहकांना मोफत सेफ्टी हेल्मेट देण्याचा लाभ देणार आहे.