Maharashtra Rain Updates : कोसळधार पावसानं रायगड अन् पुणेला झोडपलं! रायगडमध्ये शाळांना सुट्टी

पुणे : पुण्यात सकाळपासून पावसाची तुफानी सुरु आहे. अशातच हवामान विभागाने राज्यातील बहुतांश भागात पावसाची शक्यता असल्याचा अंदाज वर्तवला आहे. कोकणातील रायगड जिल्ह्यात काल रात्रीपासून तुफान पाऊस सुरु आहे. या पावसामुळे रायगड जिल्ह्यातील खेड आणि नागोठणे या शहरांमध्ये पूरपरिस्थिती निर्माण होण्याची चिन्हे आहेत. कोकणसह घाटमाथ्यावर मुसळधार पाऊस पडण्याची शक्यता आहे. तर मराठवाडा आणि विदर्भात वीजांच्या कडकडाटासह पावसाचा अंदाज हवामान विभागानं व्यक्त केला आहे. दरम्यान, पुण्यात सकाळपासून मुसळधार पाऊस सुरू असून शहरातील अनेक ठिकाणचे रस्ते पाण्यात गेले आहेत. यामुळे प्रचंड वाहतूक कोडींही झाली आहे. सिंहगड रोडवर पाणीच पाणी फ़ायतला मिळतंय.



सिंहगड रस्त्यावर पाणीच पाणी


सकाळपासून पुण्यात पावसाची संततधार सुरू आहे. पुण्यातील शासकीय विश्रामगृहात पाणी घुसल्याचंही समोर आलं आहे. रस्त्यांवर वाहनांच्या रांगा लागल्या आहेत. वडगाव खुर्द इथल्या लालगड मळा वाहतूक सिग्नलवर खोदकाम सुरू आहे. खड्डा पाण्याखाली गेला असून इथं पाणी साचलं असल्यानं अपघाताची शक्यता आहे. धायरी सिंहगड रोडवर वाहतूक कोंडी पूर्णपणे वाहतूक कोंडी झाली आहे. पुढचे २४ तास मुसळधार पावसाची शक्यता असून हवामान विभागाने ऑरेंज अलर्ट जारी केला आहे.



रायगमध्ये नद्यांना पूर


रायगडमध्येही पावसाची संततधार सुरू आहे. नद्यांच्या पाणीपातळीत वाढ झालीय. अंबा नदीने धोक्याची पातळी ओलांडली होती. खोपोली-वाकण वाहतूक ठप्प झाली आहे. कुंडलिका नदीने इशारा पातळी ओलांडलीय. अंबा नदीचं पाणी रस्त्यावर आलं आहे. पोलिसांनी रस्त्यावर पाणी आलेल्या मार्गावरून वाहतूक पर्यायी मार्गाने वळवली आहे.



रायगड जिल्ह्यात शाळांना सुट्टी


हवामान विभागाने आज रायगड जिल्ह्याला ऑरेंज अलर्ट जाहीर केला असून, पुढील काही तासांमध्ये पावसाचा जोर अधिक वाढण्याचा इशाराही दिला आहे. त्यामुळे आज प्रशासनाकडून सर्व शाळा आणि महाविद्यालयांना सुट्टी जाहीर करण्यात आली आहे. रायगड जिल्ह्यातील अलिबाग, रोहा, तळा, महाड, पोलादपूर या तालुक्यातील सर्व माध्यमाच्या शाळा आणि महाविद्यालयांना सुट्टी जाहीर करण्यात आली आहे. रायगडला अतिवृष्टीचा इशारा दिल्यानंतर शाळांना सुट्टी जाहीर करण्यात आलीय. खोपोली, पेण, रोहा या ठिकाणी जोरदार पाऊस सुरू आहे. नदी किनारी राहणाऱ्या नागरिकांसह सर्वांना सतर्कतेचा इशारा देण्यात आलाय.

Comments
Add Comment

कार्तिकी वारीनिमित्त पंढरपूरला जाणाऱ्या वारकऱ्यांसाठी आनंदाची बातमी! मध्य रेल्वेकडून विशेष गाड्यांचे आयोजन

सोलापूर: येत्या काही दिवसांत पंढरपूर येथे कार्तिकी वारीचा सोहळा रंगणार आहे. यासाठी विविध राज्यातून वारकऱ्यांचा

पुण्याच्या NDA मध्ये गूढ! एकाच आठवड्यात दोन विद्यार्थ्यांचा मृत्यू: नेमकं चाललंय तरी काय?

पुणे : पुण्यातील खूप मोठ्या आणि महत्त्वाच्या असलेल्या राष्ट्रीय संरक्षण प्रबोधिनीमध्ये (NDA) पोहण्याचा सराव करत

मुंबई पोलिसांचा दाऊदच्या टोळीला मोठा झटका! ड्रग्सचा कारखाना सांगलीत तर मास्टरमाइंड दुबईतून पकडला

मुंबई : मुंबई पोलिसांच्या क्राईम ब्रँचने (गुन्हे शाखेने) एक मोठे ड्रग्सचे आंतरराष्ट्रीय जाळे पकडून दाऊद

Dr Sampada Munde Case : महिला डॉक्टर आत्महत्या प्रकरणात 'खासदार कनेक्शन'! सुसाईड नोटमध्ये अत्याचाराचा उल्लेख

डॉ. संपदा मुंडेंच्या पत्रात खासदाराचाही उल्लेख, फलटण प्रकरणात मोठी अपडेट समोर सातारा : सातारा जिल्ह्यातील फलटण

Mumbai-Pune Express Way : मुंबई-पुणे प्रवास होणार सुपरफास्ट! एक्स्प्रेस वे आता 'दहा पदरी' करण्याचा MSRDCचा मोठा निर्णय, असा असणार 'मास्टर प्लॅन'

मुंबई : मुंबई आणि पुणे या दोन प्रमुख शहरांदरम्यानचा प्रवास आता अधिक जलद आणि सुरळीत होणार आहे. मुंबई-पुणे

Satara Crime: CM फडणवीसांची ‘डायरेक्ट अ‍ॅक्शन’! साताऱ्यातील बलात्कारी PSI गोपाल बदने निलंबित, SP दोशी म्हणाले, “कायद्यापुढे...

सातारा : सातारा जिल्ह्यातील फलटण उपजिल्हा रुग्णालयातील (Phaltan Sub District Hospital) महिला डॉक्टरच्या आत्महत्येच्या (Suicide)