देशभरात ६८३६ कोरोनाचे रुग्ण सक्रिय

नवी दिल्ली : देशभरातील सक्रिय रुग्णांची संख्या ६८३६ वर आली आहे. गेल्या ६ दिवसांत सक्रिय रुग्णांमध्ये २८५ ने घट झाली आहे. मागील २४ तासांत एकही नवीन रुग्ण आढळला नाही, तर ४२८ रुग्ण बरे झाले आहेत. केरळमध्ये सर्वाधिक १६५९ सक्रिय रुग्ण आहेत.

आरोग्य विभागाच्या माहितीनुसार, नवीन प्रकारामुळे आतापर्यंत १०९ जणांचा मृत्यू झाला आहे. केरळमध्ये सर्वाधिक ३५ जणांचा मृत्यू झाला आहे. महाराष्ट्रात २९ जणांचा मृत्यू झाला आहे.

मध्यप्रदेशच्या इंदोरमध्ये उपचारादरम्यान २ कोविड रुग्णांचा मृत्यू झाला. हे दोन्ही रुग्ण खरगोन आणि रतलाम जिल्ह्यातील होते. इंदूरमध्ये ७१ सक्रिय रुग्ण आहेत. गेल्या २४ तासांत २ नवीन रुग्णांची नोंद झाली आहे. जूनमध्ये आतापर्यंत १०६ रुग्णांची नोंद झाली आहे.