तालुक्यात विद्यार्थ्यांना गळक्या शाळेत गिरवावे लागणार धडे

  72

मोखाडा : तालुक्यात ७ मे रोजी झालेल्या अवकाळी वादळीवाऱ्यासह पावसाने शासकीय मालमत्ता असलेल्या जिल्हा परिषद शाळांची प्रचंड वाताहत केलेली असून जवळपास सहा शाळांवरील पत्र्याचे छप्पर, वाऱ्याच्या वेगाने वीट बांधकाम तुटून पत्रे उडून गेले होते. या घटनेला एक महिना पूर्ण झालेला असून सोमवारपासून शाळांची घंटा वाजणार आहे. तरी देखील त्या शाळांच्या दुरुस्तीसाठी जिल्हा परिषदेच्या शिक्षण विभागाला मुहूर्त मिळाला नसून विद्यार्थ्यांना गळक्या शाळेत बसून धडे गिरवण्याची वेळ आलेली आहे.



मागील मे महिन्यात तालुकाभरात झालेल्या जोरदार वादळीवाऱ्यासह अवकाळी पावसाने ठाकुरवाडी, धामणशेत, कुर्लोद, घोसाळी, करोळ, पाचघर येथील जिल्हा परिषद शाळांची वाताहत झालेली असून वाऱ्याच्या वेगाने विट बांधकाम तुटून पत्रे उडून गेलेले आहेत. सुदैवाने अवकाळी पाऊस येण्याची वेळ ही शाळांना उन्हाळ्यातील सुट्टी लागण्याची असल्याने जीवितहानी टळली होती; परंतु सोमवारपासून शाळांची पुन्हा घंटा वाजणार असल्याने विद्यार्थ्यांची मात्र वर्गात बसायची अडचण होणार आहे. तर जोपर्यंत जिल्हा परिषदेच्या शिक्षण विभागाकडून शाळा दुरुस्तीसाठी निधी उपलब्ध होत नाही तोपर्यंत तात्पुरत्या स्वरूपात जिल्हा परिषदेच्या शाळांच्या छताची दुरुस्ती करण्याची जबाबदारी ही ग्रामपंचायतवर सोपवली असल्याचे शिक्षण विभागाकडून कळविण्यात आले आहे. त्याचप्रमाणे घोसाळी येथील जिल्हा परिषदेची शाळा ही नगरपंचायत हद्दीत येत असल्याने या शाळेच्या दुरुस्तीकरिता नगरपंचायत प्रशासनाला पुढाकार घ्यावा लागणार आहे. अन्यथा घोसाळी जिल्हा परिषद शाळेतील विद्यार्थ्यांना गळक्या वर्ग खोलीत बसून धडे गिरवावे लागणार आहेत.


यामुळे अनावश्यक ठिकाणी संरक्षण भिंत बांधकाम, गटारी बांधकाम अशी एकनानेक कामे तत्काळ मंजूर करुन लाखो रुपये खर्च केले जातात मात्र देशाची भावी पिढी घडविण्याचे काम ज्या ज्ञान मंदिरामधून केले जाते अशा शाळांची दुरुस्ती करण्यासाठी जिल्हा परिषद प्रशासनाकडे पैसे नाहीत हे मात्र अनाकलनीय आहे.




  • सोमवारपासून वाजणार शाळांची घंटा.

  • शाळांवरील पत्र्याच्या छप्पराची दुरवस्था.

  • दुरुस्तीसाठी शिक्षण विभागाला मुहूर्त मिळेना



मागील महिन्यात अवकाळी वादळी पावसाने नुकसान झालेल्या जिल्हा परिषद शाळांच्या तात्पुरत्या दुरुस्ती करण्याची सूचना ग्रामपंचायतीना केलेली आहे. तर दोन वर्ग खोल्या असलेल्या शाळांमधील विद्यार्थ्यांना दुसऱ्या वर्ग खोलीत बसविण्याच्या सूचना शिक्षकांना केल्या आहेत.
- वसंत महाले, गटशिक्षणाधिकारी पंचायत समिती मोखाडा


Comments
Add Comment

बेरोजगार उमेदवारांसाठी इस्राायल येथे रोजगाराची संधी

युवक-युवतींनी लाभ घेण्याचे आवाहन पालघर : महाराष्ट्र शासनाच्या कौशल्य विकास, रोजगार, उद्योजकता व नावीन्यता

जिल्हा परिषद निवडणुकीसाठी अंतिम प्रभागरचना

आठ पंचायत समित्यांचीही अधिसूचना प्रसिद्ध पालघर : पालघर जिल्हा परिषद आणि जिल्ह्यातील आठ पंचायत समित्यांच्या

वसईत विद्यार्थ्याच्या अंगावर खांब कोसळला; सुदैवाने जीव वाचला, घटना सीसीटीव्हीत कैद

वसई शहरातील निष्काळजीपणाचा एक धक्कादायक प्रकार समोर आला आहे. वसईमध्ये एका शाळकरी विद्यार्थ्याच्या अंगावर जुना

माजी आयुक्तांसह चौघांना १४ दिवसाची न्यायालयीन कोठडी

विरार : वसई-विरार महापालिका क्षेत्रातील बेकायदेशीर बांधकाम प्रकरणात ६ दिवसाच्या 'ईडी' कोठडीत असलेले पालिकेचे

विरार, वसई, नालासोपारामधील अनेक भाग पाण्याखाली, पाऊस अजूनही कायम, रेड अलर्ट जारी

मुसळधार पावसाने वसई, विरार, नालासोपारा परिसराला झोडपून काढलं आहे. गेल्या तीन दिवसापासून मुसळधार पाऊस या भागात

मुंबईत मुसळधार पाऊस, मुंबईसह कोकणात रेड अलर्ट, पुढील 3 – 4 तास महत्वाचे, सखल भागात पाणी साचलं, रेल्वे वाहतुकीवर परिणाम

राज्यात मुसळधार पावसाने अनेक जिल्ह्यांना तडका दिला असून पुढील ३ ते ४ तासांत मुंबई शहर, मुंबई उपनगर, ठाणे, रायगड,