'ताज लँड्स'मध्ये बंद दाराआड चाललंय काय ? महाराष्ट्राच्या राजकारणाला नवं वळण मिळणार ?

  105

मुंबई : उद्धव सेना ही राज ठाकरेंच्या मनसेसोबत युती करण्यास उत्सुक असल्याच्या बातम्या काही दिवस येत होत्या. या पार्श्वभूमीवर मुंबईत 'ताज लँड्स' हॉटेलमध्ये मुख्यमंत्री देवेंद्र फडणवीस आणि मनसे प्रमुख राज ठाकरे यांची भेट झाली. दोघांनी बंद दाराआड तासभर चर्चा केली. चर्चेविषयी सविस्तर माहिती देणे दोन्ही नेत्यांनी चतुराईने टाळले. यामुळे राजकीय वर्तुळात अनेकांच्या भुवया उंचावल्या आहेत. उलटसुलट चर्चेला उधाण आले आहे. मुख्यमंत्री आणि राज यांच्यातील चर्चेमुळे उद्धव सेना आणि मनसे यांची संभाव्य युती होण्याआधीच तुटल्याची शक्यता व्यक्त होत आहे.

वांद्र्यातील ताज लँड्स एंड या पंचतारांकित हॉटेलमध्ये सकाळीच मनसे प्रमुख राज ठाकरे पोहोचले. थोड्या वेळाने तिथे मुख्यमंत्री देवेंद्र फडणवीस पोहोचले. यानंतर राज ठाकरेंनी मुख्यमंत्र्यांची भेट घेतली. दोघांनी बंद दाराआड तासभर चर्चा केली. याआधी मागील दोन महिन्यांपासून स्थानिक स्वराज्य संस्थांच्या निवडणुकांसाठी उद्धव सेना ही राज ठाकरेंच्या मनसेसोबत युती करणार असल्याची चर्चा होत होती. निर्माते दिग्दर्शक महेश मांजरेकर यांना दिलेल्या मुलाखतीत राज यांनी युतीचा विचार करत असल्याचे संकेत दिले होते. मात्र दोन्ही पक्षांमध्ये युतीला पूरक अशी चर्चा झाली नव्हती. या पार्श्वभूमीवर गुरुवार १२ जून रोजी सकाळीच मुख्यमंत्री देवेंद्र फडणवीस आणि मनसे प्रमुख राज ठाकरे यांची भेट झाली. या भेटीचा कार्यक्रम आधी जाहीर झालेला नव्हता. यामुळेच मुख्यमंत्री आणि राज ठाकरे यांच्यात ताज लँड्स एंड हॉटेलमध्ये झालेल्या चर्चेअंती उद्धव सेना आणि मनसेच्या युतीच्या चर्चेचा दी एंड झाल्याची चर्चा सुरू झाली आहे.

देवेंद्र फडणवीस आणि राज ठाकरे यांच्या भेटीतून महायुतीसाठी काही चांगलं होणार असेल तर या भेटीचे आम्ही स्वागत करतो; असे राज्याचे उद्योगमंत्री उदय सामंत म्हणाले. मुख्यमंत्र्यांच्या राजकीय चतुराईची कल्पना साऱ्यांना आहे आणि राज ठाकरे हे स्वतंत्र राजकीय विचारांचे आहेत. यामुळे काय चर्चा झाली किंवा काय ठरलं याचे अंदाज करण्यापेक्षा त्यांच्याकडून अधिकृतपणे काय सांगितलं जातं आणि कधी सांगितलं जातं याची वाट बघणेच योग्य होईल; असेही उद्योगमंत्री उदय सामंत म्हणाले.

मनसेच्या पदाधिकाऱ्यांनी घेतली शिंदेंची भेट

मुख्यमंत्री देवेंद्र फडणवीस आणि मनसे प्रमुख राज ठाकरे यांच्या भेटीनंतर मनसेचे पदाधिकारी संदीप देशपांडे आणि अमेय खोपकर या दोघांनी उपमुख्यमंत्री आणि शिवसेनेचे नेते एकनाथ शिंदे यांची भेट घेतली. यामुळे पुन्हा एकदा मनसे महायुतीत प्रवेश करणार का ? या चर्चेला उधाण आले आहे.
Comments
Add Comment

Ajit Pawar: मतचोरीच्या आरोपांवर अजितदादांचा जोरदार हल्लाबोल, म्हणाले "फेक नरेटीव्ह...

मुंबई: काँग्रेसचे नेते राहुल गांधी यांनी मतदानावरून निवडणूक आयोगावर गंभीर आरोप केले,  त्यानंतर देशभरात वातावरण

मराठा आरक्षणासाठी समितीचे नवीन अध्यक्ष!

मुंबई: भाजपच्या नेतृत्वाखालील 'महायुती' सरकारने जलसंपदा मंत्री राधाकृष्ण विखे पाटील यांची मराठा समाजाच्या

पृथ्वीराज चव्हाणांच्या पुतण्याचे तीन ठिकाणी मतदान! भाजपचा आरोप, मुख्यमंत्री म्हणाले "आता खरे वोट चोर कोण?"

माजी मुख्यमंत्री पृथ्वीराज चव्हाण यांच्या कुटुंबातील एकूण ९ सदस्यांचे दुबार तिबार मतदान सांगली : काँग्रेस

काँग्रेस खासदाराच्या घरात फूट, दिराचा भाजपमध्ये प्रवेश

मुंबई : काँग्रेसच्या चंद्रपूरच्या खासदार प्रतिभा धानोरकर यांचे दीर आणि काँग्रेसचे दिवंगत नेते बाळू (सुरेश)

पक्षाच्या नावावर दुकानदारी करणाऱ्यांचा बंदोबस्त करणार

अजित पवारांचा राष्ट्रवादीच्या कार्यकर्त्यांना इशारा मुंबई : मला नागपुरात उपमुख्यमंत्रीपदाचा विजयगड बंगला

Raj Thackeray And Devendra Fadnavis : ठाकरे ब्रँडचा पराभव! राज-फडणवीस भेटीतून राजकारणात नवा खेळ सुरू? वर्षावर खलबतं

मुंबई : मनसेप्रमुख राज ठाकरे आज सकाळी मुख्यमंत्री देवेंद्र फडणवीस यांच्या वर्षा निवासस्थानी पोहोचले. सकाळी ९